24 மணி நேரம் இஸ்ரேல்–காஸாமுனை போர் நிறுத்தம் மேலும் நீடிப்பு

24 மணி நேரம் இஸ்ரேல்–காஸாமுனை

போர் நிறுத்தம் மேலும் நீடிப்பு

இஸ்ரேலுக்கும், காஸாமுனையை ஆட்சி செய்து வரும் ஹமாஸ் போராளிகளுக்கும் இடையே நிரந்தர போர் நிறுத்தம்  செய்வதற்கான முயற்சி, எகிப்து தலைநகர் கெய்ரோவில் நடந்து வருகிறது.

இவ்விரு தரப்புக்கும் இடையே அமுல்படுத்தப்பட்டிருந்த 5 நாள் சண்டை நிறுத்தம், இலங்கை நேரப்படி நேற்று அதிகாலை 2.30 மணிக்கு முடிவுக்கு  வந்தது.

இந்த நிலையில் சண்டை நிறுத்தத்தை மேலும் 24 மணி நேரம் நீடிக்க இரு தரப்பினரும் ஒப்புக்கொண்டுள்ளனர். இருப்பினும் இரு தரப்பினருக்கும் இடையே முக்கிய விவகாரங்களில் உடன்பாடு ஏற்படாமல் இழுபறி நிலைமை நீடிக்கிறதாக அறிவிக்கப்படுகின்றது.

இதுபற்றி பாலஸ்தீன அதிகாரி ஒருவர் கூறுகையில், ‘‘இந்த 24 மணி நேர சண்டை நிறுத்தம், இரு தரப்பினரும் தங்கள் பேச்சுவார்த்தையை நிறைவு செய்வதற்கு உரிய அவகாசம் வழங்கும்’’ என்று தெரிவித்துள்ளார்.

இஸ்ரேல் தரப்பில், ‘‘எகிப்து வேண்டுகோளை ஏற்று, பேச்சு வார்த்தை தொடர்ந்து நடைபெறுவதற்கு ஏதுவாக மேலும் 24 மணி நேரம் சண்டை நிறுத்தம் நீடிக்கப்படுகிறது’’ எனத் தெரிவிக்கப்பட்டிருக்கிறது.