ஐ.சி.சி தரவரிசையில் இலங்கை அணி முன்னேற்றம்

ஐ.சி.சி தரவரிசையில் இலங்கை அணி முன்னேற்றம்

பாகிஸ்தானுடன் இடம்பெற்ற இரண்டாவது டெஸ்ட் போட்டியிலும் பெற்றுக் கொண்ட வெற்றியைத் தொடர்ந்து இலங்கையணி டெஸ்ட் தரவரிசையில் முன்னேறியுள்ளனர்.   சர்வதேச கிரிக்கெட் கவுன்சில் தரவரிசையில் 4 ஆம் இடத்திலிருந்த பாகிஸ்தான் அணியினர் தொடர் தோல்வியை தொடர்ந்து 06 ஆம் இடத்திற்கு பின்தள்ளப்பட இலங்கை முன்னேறியது.    தற்போதைய தரவரிசையின் ஒழுங்கில் தென்னாபிரிக்க அணி முதலாம் இடத்திலும், அவுஸ்ரேலியா 2 ஆம் இடத்திலும், இங்கிலாந்து அணி 03 ஆம் இடத்திலும் இந்திய அணியினர் 05 ஆம் இடத்திலும் உள்ளனர்.    டெஸ்ட் துடுப்பாட்ட வீரர்களின் வரிசையில் இலங்கையணி வீரர் அஞ்சலோ மத்யூஸ் 05 ஆம் இடத்திலிருந்து 03 ஆம் இடத்துக்கு முன்னேறியுள்ளார், குமார் சங்கக்காரா தொடர்ந்தும் முதலிடத்தில் இருந்து வருகிறார்.    இடது கை சுழற்பந்து வீச்சாளர் ரங்கன ஹேரத் பாகிஸ்தானுடனான டெஸ்ட் போட்டியில் மொத்தம் 23 விக்கெட்டுக்களை பெற்றதன் மூலம் ஒரு டெஸ்ட் போட்டியில் அதிக விக்கெட்டுக்களை பெற்ற முத்தைய முரளிதரனின் சாதனையினை முறியடித்துள்ளதுடன், ஐ.சி.சி யின் பந்து வீச்சாளர் வரிசையில் 03 ஆம் இடத்தைபிடித்துள்ளார்.