அமெரிக்காவில் விமானம் திடீரென தீ பிடித்து எரிந்தது

அமெரிக்காவில் ஓடுதளத்தில் விமானம் ஒன்று திடீரென தீ பிடித்து எரிந்த சம்பவம் பெரும் பரபரப்பை ஏற்படுத்தியதாக அறிவிக்கப்படுகின்றது.
புளோரிடா மாகாணத்தில் போர்ட் லவ்டெர்ட் விமான நிலையத்தில் டைனமிக் இன்டர்நேஷனல் ஏர்வேஸ் நிறுவனத்திற்கு சொந்தமான போயிங் 767 விமானம் 101 பயணிகளுடன் வெனிசுலாவுக்கு புறப்பட்டது.
ஓடுதளத்தில் வேகமெடுத்த போது எஞ்சினில் இருந்து வெளியான திடீர் தீ மளமளவென விமானத்தின் மைய பகுதியில் கொழுந்து விட்டு எரிந்தது. இதனையடுத்து விமானி வேகத்தை குறைத்து விமானத்தை நிறுத்தினார். தகவல் அறிந்து தீயணைப்பு வாகனங்களும், ஆம்புலன்ஸுகளும் ஓடுதளத்திற்கு விரைந்து மீட்பு பணியில் ஈடுபட்டனர்.

அவசரகால கதவுகள் திறக்கப்பட்டு உள்ளிருந்த பயணிகள் பத்திரமாக மீட்கப்பட்டனர். விபத்தில் படுகாயமடைந்த 15 பேர் சிகிச்சைக்காக மருத்துவமனையில் சேர்க்கப்பட்டனர். விமானம் புறப்படுவதற்கு முன்பாக ஏற்பட்ட எரிபொருள் கசிவே தீ விபத்திற்கு காரணம் என முதல்கட்ட தகவல் வெளியாகியுள்ளது.

0 comments:

Post a Comment

 
மக்கள் விருப்பம் - MAKKAL VIRUPPAM © 2014. All Rights Reserved. Designed by Abdul Basith
Top