மேலும் பாரிய வீழ்ச்சியில் இலங்கை ரூபா 184 ரூபாவை தாண்டியது டொலரின் பெறுமதி

மேலும் பாரிய வீழ்ச்சியில் இலங்கை ரூபா

184  ரூபாவை தாண்டியது டொலரின் பெறுமதி

இலங்கை வரலாற்றில் முதல் முறையாக மிக மோசமான பெறுமதியை இலங்கை ரூபாய் இன்று எட்டியுள்ளது.

மத்திய வங்கி இன்று வெளியிட்ட நாணய மாற்று விகிதத்திற்கு அமைய டொலர் ஒன்றின் விலை 184 ரூபாவைக் கடந்துள்ளது.

இலங்கை மத்திய வங்கியின் அறிக்கைக்கமைய இன்று184.0758 ரூபாயை எட்டியுள்ளது. அதற்கமைய டொலர் ஒன்றின் கொள்வனவு விலை180.1015 ரூபாயை எட்டியுள்ளது.

இலங்கையில் புதிய அமைச்சரவை பதவியேற்றுள்ள நிலையிலும், ரூபாவின் பெறுமதி பாரிய வீழ்ச்சியை சந்தித்து வருகின்றது.

இன்று மத்திய வங்கி வெளியிட்டுள்ள நாணய மாற்று விகிதத்தின் அடிப்படையில் அமெரிக்க டொலரின் விற்பனை விலை ரூபா 184.0758 ஆக பதிவாகியுள்ளமை குறிப்பிடத்தக்கது.

இது நேற்றைய தினம் (27) ரூபா 183.5548 ஆக பதிவாகியிருந்தமை குறிப்பிடத்தக்கது.

இலங்கை மத்திய வங்கியினால் வெளியிடப்பட்டுள்ள இன்றைய (28.12.2018) நாணய மாற்று விகிதங்கள் வருமாறு.

நாணயம்	கொள்வனவுவிலை (ரூபா)	விற்பனைவிலை (ரூபா)
அவுஸ்திரேலிய டொலர்	125.6926	131.0891
கனடா டொலர்	131.3907	136.2824
சீன யுவான்	25.9441	27.1848
யூரோ	204.9981	212.2402
ஜப்பான் யென்	1.6174	1.6768
சிங்கப்பூர் டொலர்	130.9095	135.3794
ஸ்ரேலிங் பவுண்	226.9854	234.4025
சுவிஸ் பிராங்க்	181.5559	188.3666
அமெரிக்க டொலர்	180.1015	184.0758