முகேஷ் அம்பானி மகன் திருமணம் - மும்பையில் குவிந்த பிரபலங்கள்

முகேஷ் அம்பானி மகன் திருமணம்

- மும்பையில் குவிந்த பிரபலங்கள்

   

மும்பையில் நடைபெற்ற பிரபல தொழிலதிபர் முகேஷ் அம்பானியின் மகன் திருமண விழாவில் பாலிவுட் பிரபலங்கள், கிரிக்கெட் வீரர்கள் உட்பட பலர் பங்கேற்றனர்.

இந்தியாவின் நம்பர் 1 பணக்காரரான முகேஷ் அம்பானி - நீதா அம்பானியின் மகனான ஆகாஷ் அம்பானிக்கும், ஷ்லோகா மேத்தாவுக்கும் இன்று திருமணம் நடைபெற்றது.

இதையொட்டி, பாலிவுட் பிரபலங்கள், கிரிக்கெட் வீரர்கள் மற்றும் அரசியல்வாதிகள், வெளிநாட்டு பிரமுகர்கள் என முக்கிய விருந்தினர்கள் குவிந்துள்ளனர்.

ஐ.நா. சபை முன்னாள் பொது செயலாளர் பான் கி மூன், அவர்து மனைவி யோ சூன் டீக், பிரிட்டனின் முன்னாள் பிரதமர் டோனி பிளேர், அவரது மனைவி செர்ரி பிளேர் உள்ளிட்ட வெளிநாட்டவர்கள் பங்கேற்றனர்.

பாலிவுட் நட்சத்திரங்களான ஷாருக் கான், அமீர் கான், பிரியங்கா சோப்ரா உள்ளிட்ட பல்வேறு பிரபலங்களும் வருகை தந்தனர்.

இதேபோல், கிரிக்கெட் வீரர்களான சச்சின் தெண்டுல்கர், அவரது மனைவி அஞ்சலி தெண்டுல்கர், உட்பட பலரும் சென்றுள்ளனர்.

இதேவேளை,அம்பானி மகன் திருமணத்தை முன்னிட்டு பொலிஸ் உத்தியோகத்தர்களுக்கு 50,000 ஸ்வீட் பாக்ஸ் வழங்கப்பட்டதாகத் தெரிவிக்கப்பட்டுள்ளது.

ரிலையன்ஸ் இண்ட்ஸ்ட்ரிஸ் தங்களுக்கு ஸ்வீட் பாக்ஸ் கொடுத்தது என மும்பை பொலிஸ் அதிகாரிகள் கூறுகின்றனர். முகேஷ் அம்பானி மற்றும் நீட்டா அம்பானி பெயரில் வந்த இந்த ஸ்வீட் பாக்ஸில், "எங்கள் பிள்ளைகளுக்கு உங்களுடைய ஆசீர்வாதம் வேண்டும்" என்ற கார்டு இருந்தது எனவும் தெரிவிக்கின்றனர்.