எதிர்வரும் 8ஆம் திகதி அரசியல் மேடையில் ஏறுகிறார் கோத்தாபய ராஜபக்ஸ

எதிர்வரும் 8ஆம் திகதி

அரசியல் மேடையில் ஏறுகிறார்

கோத்தாபய ராஜபக்ஸ

முன்னாள் பாதுகாப்புச் செயலாளர் கோத்தாபய ராஜபக்ஸ எதிர்வரும் மார்ச் 8ஆம் திகதி அரசியல் அரங்கில் அறிமுகமாகவுள்ளார் என்று சிறிலங்கா பொதுஜன முன்னணி வட்டாரங்கள் தெரிவித்துள்ளன.

சிறிலங்கா சுதந்திரக் கட்சியுடன் இணைந்து, சிறிலங்கா பொதுஜன முன்னணி எதிர்வரும் 8ஆம் திகதி, கண்டி பொதுச் சந்தைப் பகுதியில் பாரிய பேரணி ஒன்றை நடத்தவுள்ளது. வரும் தேர்தல்களை இலக்கு வைத்தே இந்தப் பேரணி நடத்தப்படவுள்ளது.

இந்தக் கூட்டத்தில் எதிர்க்கட்சித் தலைவர் மஹிந்த ராஜபக்ஸ, பொதுஜன முன்னணியின் நிறுவுநரான பசில் ராஜபக்ஸ ஆகியோரும் கலந்து கொள்ளவுள்ளனர். இந்தக் கூட்டத்திலேயே பசில் ராஜபக்ஸவும் மேடையேறவுள்ளார்.

இதையடுத்து, வரும் 26ஆம்  திகதி அனுராதபுர சல்காடோ மைதானத்தில் மற்றொரு பாரிய பேரணி நடத்தப்படவுள்ளதாகவும் கூறப்படுகிறது.