இலங்கையில் அமெரிக்க டொலரின் மதிப்பு ரூ. 173.38 ஆனது

இலங்கையில் அமெரிக்க டொலரின் மதிப்பு

ரூ. 173.38 ஆனது

அமெரிக்க டொலருக்கு எதிரான இலங்கை நாணயத்தின் பெறுமதி இன்று வரலாற்றில் முன்னெப்போதும் இல்லாதளவுக்கு  வீழ்ச்சியைச் சந்தித்துள்ளது.

இலங்கை மத்திய வங்கி இன்று  வெளியிட்ட நாணய மாற்று விகிதங்களின் அடிப்படையில், அமெரிக்க டொலர் ஒன்றின் பெறுமதி, ரூபா 173.38 ஆக வரையறுக்கப்பட்டுள்ளது.

கடந்த வெள்ளி்க்கிழமை அமெரிக்க டொலரின் பெறுமதி ரூபா 172.99 ஆக  இருந்தது. இன்று இலங்கை  ரூபாவின் மதிப்பு, மேலும், ரூபா 0.39 ஈனால் குறைவடைந்துள்ளது.

தொடர்ந்து வீழ்ச்சியடைந்து வரும் இலங்கை நாணயத்தின் பெறுமதியை வலுப்படுத்தும் நோக்கில் இறக்குமதிக்கான கட்டுப்பாடுகளை விதித்த போதிலும், அது பலனளிக்கவில்லை என்பது குறிப்பிடத்தக்கது.

நாணயம்	கொள்வனவு விலை (ரூபா)	விற்பனை விலை (ரூபா)
அவுஸ்திரேலிய டொலர்	119.2949	124.5043
கனடா டொலர்	128.5231	133.4609
சீன யுவான்	24.1506	25.3308
யூரோ	193.8589	200.8982
ஜப்பான் யென்	1.4962	1.5529
சிங்கப்பூர் டொலர்	122.4521	126.7658
ஸ்ரேலிங் பவுண்	220.4005	227.7745
சுவிஸ் பிராங்க்	168.8770	175.4163
அமெரிக்க டொலர்	169.4972	173.3808