மாவடிப்பள்ளி நீர்த்தேக்கத்தில்
அடையாளம் தெரியாத நபரின் சடலம் மீட்பு
சம்மாந்துறை பொலிஸ் பிரிவிற்குட்பட்ட மாவடிப்பள்ளி நீர்த்தேக்கத்தில்
இருந்து அடையாளம் தெரியாத நபர் ஒருவரின் சடலம் இன்றைய தினம் மீட்கப்பட்டுள்ளதாக அறிவிக்கப்படுகின்றது.
இன்றைய தினம் காலை வயல் வேலைக்கு சென்ற ஒருவரினால் குறித்த சடலம்
அவதானிக்கப்பட்டு சம்மாந்துறை பொலிஸாருக்குத் தகவல் வழங்கப்பட்டுள்ளது.
இதனைத் தொடர்ந்து சம்பவ இடத்திற்கு விரைந்த பொலிஸார் சடலத்தை
மீட்டு சம்மாந்துறை வைத்தியசாலைக்கு அனுப்பி வைத்துள்ளனர்.
சுமார் 35 வயது மதிக்கத்தக்க ஒருவரே இவ்வாறு சடலமாக மீட்கப்பட்டுள்ளார்
எனவும், குறித்த சடலம் இதுவரை அடையாளம் காணப்படவில்லை எனவும் பொலிஸார் தெரிவித்துள்ளனர்.
மேலும் இது தொடர்பான மேலதிக விசாரணைகளை சம்மாந்துறை பொலிஸ் பெருங்குற்றப்
பிரிவினர் மேற்கொண்டு வருகின்றமை குறிப்பிடத்தக்கது.
0 comments:
Post a Comment