இலங்கையில் கடந்த ஆண்டு பதிவு செய்யப்பட்ட வாக்காளர்களின் எண்ணிக்கை 15,760,867

இலங்கையில் கடந்த ஆண்டு பதிவு செய்யப்பட்ட

வாக்காளர்களின் எண்ணிக்கை 15,760,867

வாக்காளர் பெயர்ப்பட்டியலை உறுதிப்படுத்தும்

 நடவடிக்கை இன்று முன்னெடுப்பு

இலங்கையில் கடந்த ஆண்டு வாக்காளர் பெயர் பட்டியலுக்கமைய கடந்தாண்டு பதிவு செய்யப்பட்ட வாக்காளர்களின் எண்ணிக்கை 15,760,867 எனவும், இந்த ஆண்டு இதன் எண்ணிக்கை இரண்டு இலட்சங்களால் அதிகரிக்கும் என எதிர்பார்க்கப்படுவதாகவும் உதவி தேர்தல்கள் ஆணையாளர் எச்.எம். மொஹமட் தெரிவித்துள்ளார்.

இந்த ஆண்டுக்கான வாக்காளர் பெயர்ப் பட்டியலை உறுதிப்படுத்தும் நடவடிக்கை இன்று முன்னெடுக்கப்படவுள்ளதாகவும், எதிர்வரும் காலங்களில் நடத்தப்படவுள்ள தேர்தல்கள் 2018ஆம் ஆண்டு வாக்காளர் பட்டிலுக்கு அமையவே நடத்தப்படும் எனவும் அவர் மேலும் தெரிவித்துள்ளார்.

அத்துடன் வாக்காளர் பெயர்ப்பட்டியலில் பெயர்களை இணைத்துக்கொள்வது தொடர்பாக மேன்முறையீடு கோரப்பட்டிருந்த காலப்பகுதியில் 8500 மேன்முறையீடுகள் கிடைக்கப்​பெற்றுள்ளன என்றும் உதவி தேர்தல்கள் ஆணையாளர் எச்.எம். மொஹமட் தெரிவித்துள்ளார்.