இன்று உலக சுகாதார ஸ்தாபனத்தின் 70 ஆவது உலக சுகாதார தின வைபவம்

இன்று உலக சுகாதார ஸ்தாபனத்தின்

70 ஆவது உலக சுகாதார தின வைபவம்

இன்று உலக சுகாதார தினமாகும்.இதனை முன்னிட்டு உலக சுகாதார ஸ்தாபனம் ஏற்பாடு செய்யும் 70 ஆவது உலக சுகாதார தின வைபவம் இலங்கையில் இடம்பெறவுள்ளது.

இந்த நிகழ்ச்சி கொழும்பு நெலும் பொக்குன என்ற தாமரைத் தடாக அரங்கில் இன்று முற்பகல் ஆரம்பமாகும்.

ஜனாதிபதி மைத்திரிபால சிறிசேன பிரதம அதிதியாக கலந்து கொள்வார். பிரதம மந்திரி ரணில் விக்ரமசிங்கவும் பங்கேற்பார்.

உலக சுகாதார ஸ்தாபனத்தின் பணிப்பாளர் நாயகமும், தெற்கு மற்றும் கிழக்காசிய நாடுகளுக்காக பணிப்பாளரும், 12 நாடுகளின் சுகாதார அமைச்சர்களும் நிகழ்ச்சியில் கலந்து கொள்வார்கள்.இலங்கையின் சுகாதார துறையில் 70 வருடகால முன்னேற்றத்தை விபரிக்கும் பிரசுரங்கள் வெளியிடப்படவுள்ளன. முத்திரை ஒன்றும் வெளியிடப்படவுள்ளது. பாடசாலைகளை மையமாகக் கொண்ட 100 மீற்றர் சுற்று வட்டத்திற்கள் சிகரெட் விற்பனையை தடை செய்வது தொடர்பான வர்த்தமானி அறிவித்தலும் சர்வதேச சுகாதார தின வைபவத்தில் வெளியிடப்படும்.