சாய்ந்தமருது வைத்தியசாலையை_மீட்கும்_போராட்டம். இன்று காலை வைத்தியசாலை முன்பாக ஒன்றுகூடுமாறு அன்பாக அழைக்கப்படுகின்றீர்கள்.

சாய்ந்தமருது வைத்தியசாலையை_மீட்கும்_போராட்டம்.

இன்று காலை வைத்தியசாலை முன்பாக ஒன்றுகூடுமாறு

அன்பாக அழைக்கப்படுகின்றீர்கள்.

சாய்ந்தமருது பிரதேச வைத்தியசாலையை அபிவிருத்தி செய்வதாக காலத்திற்கு காலம் அரசியல்வாதிகளால் வாக்குறுதிகள் வழங்கப்பட்டும் அவைகள் நிறைவேற்றப்படாமல் தொடர்ச்சியாக நமது வைத்தியசாலை புறக்கணிக்கப்பட்டு வருவதை கண்டித்தும், வைத்தியசாலைக்குத் தேவையான பௌதீக வளங்களை உடனடியாக வழங்கி சாய்ந்தமருது வைத்தியசாலையின் சிறப்பான செயற்பாட்டிற்கு ஏற்பாடுகளைச் செய்யுமாறும் அரசியல்வாதிகளுக்கும் அதிகாரிகளுக்கும் அழுத்தம் கொடுக்கும் மாபெரும் மக்கள் எழுச்சி ஒன்றுகூடல் இன்று 2018.05.12 - சனிக்கிழமை காலை 09.00 மணிக்கு சாய்ந்தமருது பிரதேச வைத்தியசாலை முன்பாக நடைபெறவுள்ளதாக அறிய முடிகின்றது.

சாய்ந்தமருது வைத்தியசாலை அபிவிருத்தி செய்யப்பட்டு பிரதேசத்திற்கு சிறப்பான வைத்திய சேவை வழங்கப்பட வேண்டும் என விரும்புகின்ற ஊர்ப்பற்றுள்ள அனைத்து இளைஞர்களும், பொதுமக்களும் இன்று காலை வைத்தியசாலை முன்பாக ஒன்றுகூடுமாறு அன்பாக அழைக்கின்றீர்கள்.

இந்நிகழ்வில் சாய்ந்தமருது சுயேற்சை குழு சார்பாக தெரிவு செய்யப்பட்ட மாநகர உறுப்பினர்கள், பள்ளிவாசல் நிருவாகிகள், உலமாக்கள், வர்த்தகர்கள், புத்திஜீவிகள், பொது அமைப்புகளின் பிரதிநிதிகள் மற்றும் இளைஞர்கள் அதிகளவில் கலந்து கொள்ளவுள்ளதாகவும் தெரிவிக்கப்பட்டுள்ளது.

தனித்துவம் காத்து தலைநிமிர்ந்து வாழ ஊருக்காய் ஒன்றுபடுவோம்.