மாங்குளம் மற்றும் சுடுவெந்தபுலவு ஆகிய நீர் வழங்கல் திட்டம் அமைச்சர் ரவூப் ஹக்கீம் இன்று திறந்து வைத்தார்

மாங்குளம் மற்றும் சுடுவெந்தபுலவு ஆகிய நீர் வழங்கல் திட்டம்

அமைச்சர் ரவூப் ஹக்கீம் இன்று திறந்து வைத்தார்

வவுனியா மாவட்டம், மாங்குளம் மற்றும் சுடுவெந்தபுலவு ஆகிய கிராமிய நீர் வழங்கல் திட்டத்தின் நீர் சுத்திகரிப்பு தொகுதிகளை (RO Plant) ஸ்ரீ லங்கா முஸ்லிம் காங்கிரஸின் தேசிய தலைவரும் நகர திட்டமிடல் நீர்வழங்கல் அமைச்சருமான ரவூப் ஹக்கீம் இன்று 5 ஆம் திகதி பொது மக்களின் பாவனைக்காக திறந்து வைத்தார்.

தேசிய நீர் வழங்கல் வடிகாலமைப்பு சபையினால் தேசிய சிறுநீரக நோய்த்தடுப்பு திட்டத்தின் கீழ் 3.5 மில்லியன் ரூபா செலவில் இத்திட்டம் நிர்மாணிக்கப்பட்டுள்ளது.

இந்நிகழ்வில் சுகாதார பிரதியமைச்சர் பைஸல் காசிம், பாராளுமன்ற உறுப்பினர் காதர் மஸ்தான், கிழக்கு மாகாண சுகாதாரத்துறை அமைச்சர் ஏ.எல்.எம். நஸீர், மாகாண சபை உறுப்பினர்களான எச்.எம்.எம். ரயீஸ், நியாஸ், முன்னாள் பாராளுமன்ற உறுப்பினர் முத்தலிப் பாவா பாருக், தேசிய நீர் வழங்கல் வடிகாலமைப்பு சபையின் பிரதித் தலைவரும் ஸ்ரீ லங்கா முஸ்லிம் காங்கிரஸின் தேசிய அமைப்பாளருமான ஷபீக் ரஜாப்தீன், வவுனியா மாவட்ட கட்சியின் அமைப்பாளர் மாஹிர் மற்றும் கட்சியின் முக்கியஸ்தர்கள் பலரும் கலந்துகொண்டனர்.