கலகொடஅத்தே ஞானசார தேரரை சிறைச்சாலை வைத்தியசாலைக்கு அழைத்து செல்ல நடவடிக்கை

கலகொடஅத்தே ஞானசார  தேரரை

சிறைச்சாலை வைத்தியசாலைக்கு

அழைத்து செல்ல நடவடிக்கை

நீதிமன்றத்தை அவமதித்த குற்றச்சாட்டின் பேரில், 6 வருட கடூழியச் சிறைத்தண்டனை விதிக்கப்பட்டுள்ள, பொதுபல சேனா அமைப்பின் பொதுச் செயலாளர் கலகொட​அத்தே ஞானசார  தேரரை, சிறைச்சாலை வைத்தியசாலைக்கு அழைத்து செல்ல நடவடிக்கை எடுக்கப்பட்டுள்ளது.

ஜயவர்தனபுர வைத்தியசாலையில் சிகிச்சைப்பெற்று வந்த நிலையில், அங்கு அவருக்கான சிகிச்சை நி​றைவடைந்துள்ளதையடுத்து, சிறைச்சாலை வைத்தியசாலைக்கு மாற்றுதற்கான நடவடிக்கை மேற்கொள்ளப்பட்டு வருவதாக அறியவருகிறது.

நீதிமன்ற தீர்ப்பின் போதும், ஞானசாரர் ஸ்ரீ ஜயவர்தனபுர வைத்தியசாலையில் சிகிச்சைப்பெற்று வந்தார். சிறுநீரகத்தில் இருந்த கல்லை அகற்றும் பொருட்டு அவருக்கு ஜயவர்தனபுர வைத்தியசாலையில் சத்திரசிகிச்சை மேற்கொள்ளப்பட்டது.