மறைந்த முதல்வர் ஜெயலலிதா நினைவிடத்தில்
தமிழகத்தின் புதிய முதலமைச்சர் மரியாதை!
தமிழகத்தின் புதிய முதலமைச்சராக பதவி ஏற்ற எடப்பாடி பழனிச்சாமி தலைமையிலான அமைச்சர்கள், மறைந்த முதல்வர் ஜெயலலிதாவின் நினைவிடத்தில் அஞ்சலி செலுத்தினர்.
எடப்பாடி பழனிச்சாமி தமிழகத்தின் புதிய முதல்வராக இன்று பதவி ஏற்றத்தைத் தொடர்ந்து, சென்னை மெரினாவில் உள்ள ஜெயலலிதாவின் நினைவிடத்தில் மலர் வளையம் வைத்து மரியாதை செலுத்தினார். அவருடன், புதிதாகப் பதவி ஏற்றுக்கொண்ட 30 அமைச்சர்களும் மரியாதை செலுத்தினர்.
பின்னர். எம்.ஜி.ஆர். நினைவிடத்திலும் அவர்கள் அனைவரும் அஞ்சலி செலுத்தினர். இவர்களுடன் அதிமுக துணைப் பொதுச்செயலாளர் டி.டி.வி.தினகரனும் மரியாதை செலுத்தினார். இதனைத்தொடர்ந்து செய்தியாளர்களை சந்தித்த முதலமைச்சர் எடப்பாடி பழனிச்சாமி, "சட்டப் பேரவையில் பெரும்பான்மையை நிரூபிப்போம்" என்று கூறினார்.
0 comments:
Post a Comment