அண்ணா சமாதி அருகே வேகமாக தயாராகும் இடம்

அண்ணா சமாதி அருகே வேகமாக தயாராகும் இடம்

கருணாநிதிக்கு சமாதி அமைக்கும் பணியில் மெரினாவில் பள்ளம் தோண்டும் பணி வேகமாக நடக்கிறது. அனைத்துப் பணிகளும் முடிவடையும் நிலையில் 4 மணிக்கு இறுதி ஊர்வலம் தொடங்க உள்ளதாக திமுக தலைமை அலுவலகம் அறிவித்துள்ளது.

மாலை 4-30 மணிக்குள் அனைத்து வேலைகளையும் முடித்துவிட வேண்டும் என்று திமுக சார்பில் கோரிக்கை வைக்கப்பட்டுள்ளது. வேலைகள் வேகவேகமாக நடந்து வருகிறது. மாலை சமாதியின் வேலை முடிந்தவுடன் மாலை 4 மணிக்கு அவரது இறுதி ஊர்வலம் தொடங்கும் என திமுக தலைமை அறிவித்துள்ளது.

மறைந்த திமுக தலைவர் கருணாநிதியின் இறுதி ஊர்வலம் மாலை 4 மணிக்கு தொடங்க உள்ளது. ராஜாஜி மண்டபம், சிவானந்தா சாலை, வாலஜா சாலை வழியாக, அண்ணா சதுக்கத்திற்கு எடுத்து செல்லப்பட உள்ளது.

கருணாநிதியை அடக்கம் செய்வதற்காக சந்தன பேழை தயார் செய்யப்பட்டுள்ளது. அதில்,

" ஓய்வெடுக்காமல் உழைத்தவன் இதோ ஓய்வு கொண்டிருக்கிறான்"

என்ற வாசகம் பொறிக்கப்பட்டுள்ளது. 33 ஆண்டுகளுக்கு முன் அண்ணாதுரையின் சமாதியின் அருகே அடக்கம் செய்யும் போது, தனது சமாதியில் பொறிக்கப்பட வேண்டும் என இந்த வாசகத்தை கருணாநிதி குறிப்பிட்டிருந்தார். அதே வாசகம் தற்போது பொறிக்கப்பட்டுள்ளது.