சம்மாந்துறை ஸ்ரீ பத்திரகாளி அம்மன் ஆலய வளாகத்திலிருந்து கோடரி, வாள் ஆயுதங்கள் மீட்பு

சம்மாந்துறை ஸ்ரீ பத்திரகாளி

அம்மன் ஆலய வளாகத்திலிருந்து

கோடரி, வாள் ஆயுதங்கள் மீட்பு

சம்மாந்துறை பொலிஸ் பிரிவிற்குட்பட்ட ஸ்ரீ பத்திரகாளி அம்மன் ஆலய வளாகத்திலிருந்து ஆயுதத்தொகுதியொன்று மீட்கப்பட்டுள்ளதாக அறிவிக்கப்படுகின்றது.

நேற்று (4) மாலை 5 மணியளவில் சம்மாந்துறை பொலிஸ் பிரிவிற்குட்பட்ட ஸ்ரீ பத்திரகாளி அம்மன் ஆலய வளாக வாழைத்தோட்டமொன்றிலிருந்து ரி 56 ரக துப்பாக்கி ரவைக்கூடொன்று, ரம்போ கோடாரி மற்றும் வாள் என்பன பொலித்தீன் உறையொன்றில் இடப்பட்டு உரப்பையொன்றில் போடப்பட்டு காணப்பட்டது.

இதன் போது, கோவில் பராமரிப்பாளர் வழங்கிய தகவலுக்கமைய ஆலய பரிபாலனத்தலைவர் சம்மாந்துறை பொலிஸாருக்கு அறிவித்ததையடுத்து சம்பவ இடத்திற்கு விசேட அதிரடிப்படையின் குண்டு செயலிழக்கும் பிரிவு சோதனை மேற்கொண்டது.

இச்சோதனையின் போது உரப்பையில் காணப்பட்ட ரவைக்கூடு, கோடரி, வாள் என்பன மீட்கப்பட்டமை குறிப்பிடத்தக்கது.