அத்துருகிரியவில் விமான விபத்து நான்கு பேர் பலி!

அத்துருகிரியவில் விமான விபத்து

நான்கு பேர் பலி!

கொழும்பின் புறநகர்ப் பகுதியான அத்துருகிரியவில் இன்று வெள்ளிக்கிழமை காலை 6.30 மணியளவில் விமானமொன்று விபத்துக்குள்ளானதால், குறைந்தபட்சம்  நான்கு பேர் மரணமடைந்துள்ளதுடன், மற்றுமொருவர் காயமடைந்துள்ள  நிலையில் வைத்தியசாலையில் அனுமதிக்கப்பட்டுள்ளதாகத் தெரிவிக்கப்படுகின்றது.

இலங்கை விமானப்படைக்குச் சொந்தமான இந்த  விமானம்,  இறப்பர் தோட்டத்தில் மோதியே விபத்துக்குள்ளானதாக அறிவிக்கப்படுகின்றது..   ரஸ்யாவின் தயாரிப்பான அன்ரனொவ் -32 என்ற விமானமே விபத்துக்குள்ளானது. 

கட்டுநாயக்கவிலிருந்து இரத்மலானைக்கு இந்த விமானம் பயணித்துக்கொண்டிருந்த வேளையில், இந்த விமானத் தொடர்பை தாம் இழந்ததாக இலங்கை விமானப்படையினர் தெரிவித்துள்ளனர்.

பயணித்த சில நிமிடங்களிலேயே விமானத்தின் தொடர்புகள் துண்டிக்கப்பட்டதாகவும் அனைத் தொடர்தே விமானம் விபத்துக்குள்ளானதாகவும் கூறப்படுகின்றது. இந்த சம்பவம் தொடர்பாக பொலிஸார் விசாரணைகளை மேற்கொண்டு வருவதாக  தெரிவிக்கப்பட்டுள்ளது.