திங்கள்கிழமை நடைபெறவுள்ள 22 தேர்தல் மாவட்டங்களில் 196 உறுப்பினர்களுக்காக 6151 பேர் போட்டி

திங்கள்கிழமை நடைபெறவுள்ள 22 தேர்தல் மாவட்டங்களில்

196 உறுப்பினர்களுக்காக 6151 பேர் போட்டி

நாளை மறுதினம் 17ஆம் திகதி திங்கள்கிழமை நடைபெறவுள்ள நாடாளுமன்ற பொதுத் தேர்தலில் 22 மாவட்டங்களில் இருந்தும் 196 உறுப்பினர்களைத் தெரிவு செய்வதற்காக  6151  பேர் போட்டியிடுகின்றனர்.

மொத்தமாக 225 உறுப்பினர்களைத் தெரிவு செய்வதற்கான போட்டியில் இம்முறை 22 மாவட்டங்களில் அரசியல் கட்சிகளும் சுயேட்சை அணிகளும் நேரடியாகவே களமிறங்கியுள்ளன.

நாடளாவிய ரீதியில் இம்முறை அரசியல் கட்சிகளில் இருந்து 3653 பேரும், சுயேட்சைக் குழுக்கள் சார்பாக 2498 பேரும் பாராளுமன்றம் செல்வதற்கு போட்டியிடுகின்றனர்.

விகிதாசார தேர்தல் முறைப்படி 196 நாடாளுமன்ற உறுப்பினர்கள் வாக்களிப்பு மூலம் நேரடியாகவும் 29நாடாளுமன்ற உறுப்பினர்கள் கட்சிகள் பெற்றுக்கொண்ட வாக்குகளின் விகிதாசாரப்படி தேசியப்பட்டியல் ஊடாகவும் தெரிவு செய்யப்படுகின்றனர். நாட்டில் 22 தேர்தல் மாவட்டங்களும் 160 தேர்தல் தொகுதிகளும் காணப்படுகின்றன.

தேர்தல் மாவட்ட ரீதியாக வாக்காளர்களின் மொத்த எண்ணிக்கை தேர்தல் தொகுதிகளின் (இரட்டைத் தொகுதிகள் உட்பட) எண்ணிக்கையும் நாடாளுமன்றத்திற்கு தெரிவு செய்யப்படவிருக்கும் உறுப்பினர்களின் எண்ணிக்கை பற்றிய விபரமும் வருமாறு,

தேர்தல் மாவட்டம்	வாக்காளர்கள் எண்ணிக்கை	தேர்தல் தொகுதிகளின் எண்ணிக்கை	தெரிவாகும் உறுப்பினர்களின் எண்ணிக்கை
கொழும்பு	1,586,598	17	19
கம்பஹா	1,637,537	17	18
களுத்துறை	897,349	09	10
மஹநுவர (கண்டி)	1,049,160	11	12
மாத்தளை	379,675	04	05
நுவரெலியா	534,150	06	08
காலி	819,666	09	10
மாத்தறை	623,818	07	08
அம்பாந்தோட்டை	462,911	05	07
யாழ்ப்பாணம்	529,239	06	07
வன்னி	253,058	03	06
மட்டக்களப்பு	365,167	04	05
திகாமடுல்ல (அம்பாறை)	465,757	05	07
திருக்கோணமலை	256,852	03	04
குருணாகல்	1,266,443	13	15
புத்தளம்	553,009	06	08
அநுராதபுரம்	636,733	07	09
பொலன்னறுவை	307,125	03	05
பதுளை	620,486	06	08
மொனராகலை	339,797	03	05
இரத்தினபுரி	810,082	09	11
கேகாலை	649,878	07	09
மொத்தம்	15,044,490	160	196