கல்முனையில் 23,820 பேர் வாக்களிக்கவில்லை! அளிக்கப்பட்ட 2051 வாக்குகள் நிராகரிப்பு!!

கல்முனையில் 23,820   பேர் வாக்களிக்கவில்லை!

அளிக்கப்பட்ட  2051 வாக்குகள் நிராகரிப்பு!!

நேற்று திங்கள்கிழமை இடம்பெற்ற நாடாளுமன்ற பொதுத் தேர்தலில் கல்முனைத் தேர்தல் தொகுதியில் 23,820 (33.43%) வாக்காளர்கள் தமது வாக்குகளை அளிக்கவில்லை.   வாக்களித்தவர்களில் 2051 (4.32%) வாக்காளர்களின் வாக்குகள் நிராகரிக்கப்பட்டுள்ளன.

இத் தேர்தல் தொகுதியில் ஐக்கிய தேசியக் கட்சி 24,992 வாக்குகளையும் இலங்கை தமிழரசுக் கட்சி 10,847 வாக்குகளையும் அகில இலங்கை மக்கள் காங்கிரஸ் 8,549 வாக்குகளையும் ஐக்கிய மக்கள் சுதந்திரக் கூட்டமைப்பு 726 வாக்குகளையும் மக்கள விடுதலை முன்னணி 31 வாக்குகளையும் பெற்றுள்ளன.

கல்முனைத் தொகுதியில் மொத்தமாக 71,254  பேர் வாக்களிப்பதற்கு தகுதி பெற்றிருந்தனர். ஆனால் 47,434 (66.57%)  வாக்காளர்கள் மாத்திரமே வாக்களித்திருக்கிறார்கள்.