பொத்துவில் தொகுதியில் 51461 பேர் வாக்களிக்கவில்லை! அளிக்கப்பட்ட 5837 வாக்குகள் நிராகரிப்பு!!

பொத்துவில் தொகுதியில் 51461 பேர் வாக்களிக்கவில்லை!

அளிக்கப்பட்ட  5837 வாக்குகள் நிராகரிப்பு!!

நேற்று திங்கள்கிழமை இடம்பெற்ற நாடாளுமன்ற பொதுத் தேர்தலில் பொத்துவில் தேர்தல் தொகுதியில் 51461 (33.82%) வாக்காளர்கள் தமது வாக்குகளை அளிக்கவில்லை.   வாக்களித்தவர்களில் 5837 (5.80%) வாக்காளர்களின் வாக்குகள் நிராகரிக்கப்பட்டுள்ளன.

இத் தேர்தல் தொகுதியில் ஐக்கிய தேசியக் கட்சி 43,533 வாக்குகளையும் இலங்கை தமிழரசுக் கட்சி 25,147 வாக்குகளையும் ஐக்கிய மக்கள் சுதந்திரக் கூட்டமைப்பு 15,575 வாக்குகளையும் அகில இலங்கை மக்கள் காங்கிரஸ் 9,517 வாக்குகளையும் மக்கள விடுதலை முன்னணி 407 வாக்குகளையும் பெற்றுள்ளன.

பொத்துவில் தொகுதியில் மொத்தமாக 152,147 பேர் வாக்களிப்பதற்கு தகுதி பெற்றிருந்தனர். ஆனால் 100,686 (66.18%)  வாக்காளர்கள் மாத்திரமே வாக்களித்திருக்கிறார்கள்.