தமிழக முதல்வராக எடப்பாடி பழனிசாமி!
இன்று மாலை பதவியேற்பு
தமிழக முதல்வராக பதவியேற்க அதிமுக சட்டமன்றக் கட்சித் தலைவர் எடப்பாடி பழனிசாமிக்கு ஆளுநர் வித்யாசாகர் ராவ் அதிகாரப்பூர்வமாக இன்று அழைப்பு விடுத்தார்.
இதையடுத்து, ஆளுநர் மாளிகையில் இன்று மாலை 4 மணிக்கு எடப்பாடி பழனிசாமி தமிழக முதல்வராக பதவியேற்க உள்ளார். அடுத்த 15 நாட்களில் வாக்கெடுப்பு நடத்தி பெரும்பான்மையை நிரூபிக்க ஆளுநர் அறிவுறுத்தியிருப்பதாகவும் ஆளுநர் மாளிகை செய்திக் குறிப்பில் தெரிவிக்கப்பட்டுள்ளது.
கடந்த 14ம் திகதி ஆளுநரிடம் எடப்பாடி பழனிசாமி அளித்த ஆதரவு கடிதத்தின் அடிப்படையில், தமிழகத்தில் ஆட்சியமைக்க ஆளுநர் அழைத்திருப்பது குறிப்பிடத்தக்கது.
எடப்பாடி பழனிசாமியுடன் அதே அமைச்சரவை பதவியேற்கும் என்று எதிர்பார்க்கப்படுகிறது. இதன் மூலம் தமிழக அரசியலில் நிலவி வந்த குழப்பம் முடிவுக்கு வந்திருக்கிறது.
இந்த தகவலை அடுத்து சசிகலா தரப்பு அதிமுகவினர் மகிழ்ச்சி அடைந்தனர்
சசிகலாவுக்கு எதிராக தனி அணி அமைத்த முதல்வர் பன்னீர்செல்வத்துக்கு இது பின்னடைவை ஏற்படுத்தியிருப்பதாகவும் கருதப்படுகிறது.
0 comments:
Post a Comment