ஐ.சி.சி. கிண்ண இறுதிப் போட்டி இன்று

ஐ.சி.சி. சம்பியன் கிண்ணத்துக்கான கிரிக்கெட் சுற்றுப் போட்டியின் இறுதிப் போட்டி இன்று (18)  இடம்பெறவுள்ளது.

போட்டித் தொடரில் கலந்துகொண்ட பல அணிகளுடனும் போட்டியிட்டு வெற்றி பெற்ற மிகப் பலமான இரு அணிகள் இன்று களமிறங்கவுள்ளன.

பாகிஸ்தான்- இந்தியா ஆகிய இரு அணிகளில் எந்த அணி கிண்ணத்தைச் சுவீகரிக்கப் போகின்றது என்பது குறித்த தீர்மானம் இன்று பெறப்படவிருக்கின்றது.

முதலாவது அரையிறுதிப் போட்டியில், பாக்கிஸ்தான் அணியும், இங்கிலாந்து அணியும் கடந்த 14 ஆம் திகதி அரையிறுதிப் போட்டியில் மோதின. இப்போட்டி காடிப்ஃ மைதானத்தில்  இடம்பெற்றது.

அடுத்த அரையிறுதிப் போட்டியில் பங்களாதேஷ் மற்றும் இந்திய அணிகள் களமிறங்கின. இப்போட்டி கடந்த 15 ஆம் திகதி பேர்மிங்ஹம் மைதானத்தில் நடைபெற்றது.

இன்றைய இறுதிப் போட்டி ஓவல் மைதானத்தில் இடம்பெறவுள்ளமை குறிப்பிடத்தக்கது.