நடிகர் கமல்ஹாசனின் மக்கள் நீதி மய்யம் கட்சிக்கு 3-வது இடம்

நடிகர் கமல்ஹாசனின்

மக்கள் நீதி மய்யம் கட்சிக்கு 3-வது இடம்

  

இந்தியப் பாராளுமன்ற தேர்தலில் பதிவான வாக்குகள் எண்ணப்பட்டு வரும் நிலையில் நடிகர் கமல்ஹாசன் கட்சிக்கு சென்னையின் 3 தொகுதிகள் மற்றும் கோவை, பெரம்பலூர் உள்ளிட்ட சில தொகுதிகளில் 3 வது இடம் கிடைத்து வருவதாக அறிவிக்கப்படுகிறது.

நடிகர் கமல்ஹாசன் மக்கள் நீதி மய்யம் என்ற பெயரில் கட்சி தொடங்கி பாராளுமன்ற தேர்தலில் போட்டியிட்டார். இன்று தேர்தல் வாக்கு எண்ணிக்கை நடைபெறும் நிலையில் கமல் கட்சிக்கு சென்னையின் 3 தொகுதிகள் மற்றும் கோவை, பெரம்பலூர் உள்ளிட்ட சில தொகுதிகளில் 3 வது இடம் கிடைத்து வருகிறது. முக்கியமாக பிரபலங்கள் போட்டியிட்ட தொகுதிகளில் மூன்றாமிடமும் மற்ற தொகுதிகளில் நான்காவது, ஐந்தாம் இடங்களும் கிடைத்து வருகின்றன.

இதுவரை எண்ணப்பட்ட வாக்குகளில் 3 முதல் 4 சதவீத வாக்குகள் மக்கள் நீதி மய்யம் கட்சி பெற்று இருக்கிறது. சட்டமன்ற இடைத்தேர்தலில் அந்த கட்சிக்கு 4 மற்றும் 5 ஆம் இடங்களே கிடைத்துள்ளன.