டுபாய் விமான விபத்தில்
தீயணைப்பு வீரர் பலி 14 பேர் காயம்
திடீர் விபத்துக்குள்ளான இந்தியாவிலிருந்து டுபாய் சென்ற எமிரேட்ஸ் விமானத்தின் தீயை அணைப்பு பணியில் ஈடுபட்டுக் கொண்டிருந்த தீயணைப்பு படை வீரர் ஒருவர் உயிரிழந்துள்ளதாக எமிரேட்ஸ் விமான சேவை தலைவர், ஷேக் அஹ்மத் பின் சயீத் அல் மக்தூம் தெரிவித்துள்ளார்.
அதேவேளை குறித்த தீவிபத்தில் 14 பேர் காயமடைந்துள்ளதாகவும், இந்த சம்பவம் தொடர்ப்பில் விசாரணைகள் நடைபெற்று வருவதாகவும் நேற்று இடம்பெற்ற செய்தியாளர் மாநாட்டில் அவர் மேலும் குறிப்பிட்டார்
இதேவேளை,டுபாய் விமான நிலையத்தில் விமான விபத்து எதிரொலியாக சென்னையிலிருந்து டுபாய் செல்லும் ஜெட் ஏர்வேஸ், இன்டிகோ விமானங்கள் உள்ளிட்ட 5 விமானங்கள் ரத்து செய்யப்பட்டுள்ளன.
இந்த விபத்தில் 14 பேர் மூச்சு திணறல் மற்றும் தீ காயத்தால் பாதிக்கப்பட்டனர். அவர்களில் ஒருவரை தவிர மற்ற அனைவரும் வீடு திரும்பினார்கள். படுகாயம் அடைந்த ஒருவருக்கு மருத்துவமனையில் தொடர்ந்து சிகிச்சை அளிக்கப்பட்டு வருகிறது. விமானத்தின் மேல்பகுதி முழுமையாக தீயில் கருகிபோனது.
விபத்தில் சிக்கிய விமானத்தில் பயணம் செய்தவர்களில் 226 பேர் இந்தியர்கள், 11 பேர் அமீரகம், 24 பேர் இங்கிலாந்த் மற்றும் 21 பேர் அமெரிக்க, சவூதி அரேபியா, துருக்கி, அயர்லாந்து, ஆஸ்திரேலியா நாடுகளை சேர்ந்தவர்கள் என தெரிய வந்துள்ளது.
0 comments:
Post a Comment