பத்திரிகையாளர் சோ ராமசாமி மருத்துவமனையில் அனுமதி!

பத்திரிகையாளர் சோ ராமசாமி

மருத்துவமனையில் அனுமதி!

உடல் நலக் குறைவு காரணமாக பத்திரிகையாளர் சோ ராமசாமி சென்னை அப்போலோ மருத்துவமனையில் அனுமதிக்கப்பட்டுள்ளார்.

துக்ளக் ஆசிரியரும், நடிகருமான சோ ராமசாமி கடந்த சில ஆண்டுகளாகவே உடல் நலக் குறைவால் அவதிப்பட்டு வருகிறார். மருத்துவமனைக்கு சென்று சிகிச்சையும் பெறுகிறார்.

சில தினங்களுக்கு முன்பு மூச்சுத்திணறல் காரணமாக சோ ராமசாமி மருத்துவமனையில் அனுமதிக்கப்பட்டார். தீவிர சிகிச்சைக்கு பின்னர் உடல் நலம் தேறி வீடு திரும்பினார். அதன் பின்னர் கபாலி படத்தின் சிறப்பு திரையிடலுக்கும் சென்றிருந்தார்

இந்நிலையில் நேற்று இரவு சுமார் 7 மணி அளவில் அவரது உடல் நிலை சரியில்லாமல் போனதால், இரவு 7.30 மணி அளவில் சென்னை அப்போலோ மருத்துவமனையில் அவர் அனுமதிக்கப்பட்டார். அவருக்கு டாக்டர்கள் குழுவினர் சிகிச்சை அளித்து வருகின்றனர்.