மாளிகைக்காட்டுத்துறையிலிருந்து கடலுக்கு மீன் பிடிக்கச் சென்று காணாமல்போன 3 மீனவர்களில் இருவர் 22 நாட்களின் பின் கரை திரும்பியுள்ளனர். ஒருவர் மரணமாவிட்டார் எனத் தெரிவிப்பு

மாளிகைக்காட்டுத்துறையிலிருந்து

கடலுக்கு மீன் பிடிக்கச்  சென்று 
காணாமல்போன 3 மீனவர்களில்

இருவர் 22 நாட்களின் பின் கரை திரும்பியுள்ளனர்.

ஒருவர் மரணமாவிட்டார் எனத் தெரிவிப்பு

கடந்த 18ஆம் திகதி காரைதீவு மாளிகைக்காட்டுத் துறையிலிருந்து ஆழ்கடலுக்கு இயந்திரப்படகில் மீன்பிடிக்கச் சென்ற சாய்ந்தமருதைச் சேர்ந்த சீனிமுகம்மது ஜுனைதீன் (வயது36), இஸ்மாலெவ்வை ஹரீஸ் (வயது37) மற்றும் காரைதீவைச் சேர்ந்த சண்முகம் சிறிகிருஷ்ணன்(வயது47) ஆகிய மூவரில் இருவர் 22 நாட்களின் பின் கரை திரும்பியுள்ளனர்.

 இவர்கள், திருகோணமலை பொலிஸ் ஊடாக சம்மாந்துறை பொலிஸாரிடம் இரவு 8.00 மணியளவில் ஒப்படைக்கப்பட்டபின்னர் சம்மாந்துறை பொலிஸ் நிலையத்தில் தங்களது வாய்முறைப்பாடினை பதிவு செய்துவிட்டு இரவு 11.20 மணியளவில் வீட்டுக்கு அழைத்து வரப்பட்டதாகத் தெரிவிக்கப்படுகின்றது.

இவர்களுடன் சென்ற காரைதீவைச் சேர்ந்த சண்முகம் சிறிகிருஷ்ணன் (வயது47) என்ற மீனவர் கடலில் தத்தளித்துக் கொண்டிருந்த 10 நாட்களின் பின்நர் இறந்து விட்டதாகவும் அவரின் உடலை தாங்கள் 6 நாட்களாக தங்களுடன் வைத்துக் கொண்டிருந்ததாகவும் அதன் பிற்பாடு அவருடைய உடலை தங்களின் பாதுகாப்புக்கு வைத்திருந்த  மிதற்கும் உடையில் சுற்றி கடலில் விட்டதாகவும் தெரிவித்துள்ளனர்.

.