பாலம் இடிந்து விழுந்து 3 பேர் பலி சீனாவில் சம்பவம்

பாலம் இடிந்து விழுந்து 3 பேர் பலி

சீனாவில் சம்பவம்

  

சீனாவில் நெடுஞ்சாலையில் உள்ள பாலம் இடிந்து வாகனங்கள் மீது விழுந்ததில் இடிபாடுகளில் சிக்கி 3 பேர் உயிரிழந்தனர்.

சீனாவின் ஜியாங்சு மாகாணம் வூக்சி நகரில் உள்ள தேசிய நெடுஞ்சாலை எப்போதும் பிசியாக காணப்படும். இந்த நெடுஞ்சாலையில் உள்ள ஒரு பாலம் நேற்று மாலை திடீரென இடிந்து விழுந்தது. அப்போது பாலத்தில் சென்ற 3 கார்கள், 2 லாரிகளும் கீழே விழுந்தன. பாலத்தின் கீழ் சென்றுகொண்டிருந்த வாகனங்கள் மீது திடீரென பாலம் இடிந்து விழுந்ததால் அந்த வாகனங்கள் நசுங்கின.

இந்த விபத்தில் 3 பேர் உயிரிழந்தனர். 2 பேர் பலத்த காயங்களுடன் மீட்கப்பட்டு மருத்துவமனையில் சேர்க்கப்பட்டனர். பாலம் இடிந்து விழுந்தபோது குறைந்த அளவு வாகனங்கள் சென்றதால் பெரும் உயிரிழப்பு தவிர்க்கப்பட்டுள்ளது. தொடர்ந்து மீட்பு பணி நடைபெற்று வருகிறது.