நேபாளத்தில் பஸ் கவிழ்ந்து விபத்து: 31 பேர் பலி

நேபாளத்தில் மலைப்பாதையில் சென்ற பஸ் கட்டுப்பாட்டை இழந்து 300 மீ பள்ளத்தில் கவிழ்ந்தது. இதில் 31 பேர் உயிரிழந்தனர். பலர் காயமடைந்தனர். பலி எண்ணிக்கை அதிகரிக்கக் கூடும் என அஞ்சப்படுகிறது.

85 பயணிகளுடன் காத்மாண்டூவிலிருந்து கட்டிகே தியுரலி நோக்கிச் பஸ் மலைப்பாதை வழியாக சென்று கொண்டிருந்தது. திடீரென கட்டுப்பாட்டை இழந்த பஸ் மலைப்பாதையில் இருந்து 300 மீ பள்ளத்தில் கவிழ்ந்தது. இதில் 31பேர் பலியாகியுள்ளனர், மேலும் பலர் காயமடைந்துள்ளனர்.

இதுவரை 31 சடலங்கள் மீட்கப்பட்டுள்ளன, பலி எண்ணிக்கை அதிகரிக்கக் கூடும் என்று தேசிய விசாரணை துறையின் மாவட்டத் தலைவர் பகதூர் புதாதோகி என்பவர் தெரிவித்துள்ளார்.

காயமடைந்தவர்களில் 15 பேரை நேபாள ராணுவ ஹெலிகாப்டர் பள்ளத்திலிருந்து மீட்டு காத்மாண்டூ மருத்துவமனைக்கு கொண்டு சென்றது. பல பயணிகள் உடல் நசுங்கி பலியானதாக நேரில் பார்த்த சாட்சியங்கள் கூறுகின்றன.