கொழும்பின் சில பிரதேசங்களுக்கான நீர்விநியோகம் இன்றிரவு இடைநிறுத்தப்படும்

கொழும்பின் சில பிரதேசங்களுக்கான

நீர்விநியோகம் இன்றிரவு இடைநிறுத்தப்படும்

திருத்த வேலைகள் காரணமாக இன்றிரவு 9.00 மணி தொடக்கம் நாளை அதிகாலை 3.00 மணி வரையில் கொழும்பின் பிரதேசங்களுக்கான நீர்விநியோகம் இடைநிறுத்தப்படும் என்று தேசிய நீர்வழங்கல் மற்றும் வடிகாலமைப்புச் சபை அறிவித்துள்ளது.

இதற்கமைவாக, கொழும்பு 01, கொழும்பு 13, கொழும்பு 14, கொழும்பு 15 மற்றும் புறக்கோட்டை பிரதேசங்களுக்கும் குறைந்த அழுத்தத்துடனான நீர்விநியோகம் மேற்கொள்ளப்படும்.

இதேவேளை, வீதி அபிவிருத்திப் பணிகள் காரணமாக நாளை அதிகாலை 4.00 மணி தொடக்கம் நாளை மறுதினம் 4.00 மணி வரையில் மேலும் பல பிரதேசங்களுக்கான நீர்விநியோகம் இடைநிறுத்தப்படும்.

இதற்கமைவாக, மொரகஸ்முல்ல, ராஜகிரிய, எத்துல்கோட்டே, ஒபே-சேகரபுர, நாவல, கொஸ்வத்த மற்றும் ராஜகிரிய தொடக்கம் நாவல திறந்த பல்கலைக்கழகம் வரையிலுமான பிரதான வீதி மற்றும் அதனுடன் தொடர்புபட்ட அனைத்து குறுக்கு வீதிகளை உள்ளடக்கிய நீர்விநியோகம் இடைநிறுத்தப்படும்.