பாகிஸ்தானில் பலி 60 ஆக உயர்வு, 4,196 பேருக்கு தொற்று

பாகிஸ்தானில் பலி 60 ஆக உயர்வு,

 4,196 பேருக்கு தொற்று

பாகிஸ்தானில், கொரோனா வைரஸால் பாதிக்கப்பட்டுள்ளோரின் எண்ணிக்கை, 4,196 ஆக அதிகரித்துள்ளது. மேலும், பலி எண்ணிக்கை, 60 ஆக உயர்ந்துள்ளது.

உலகம் முழுதும், கொரோனா வைரஸ் வேகமாக பரவி வருகிறது. பாகிஸ்தானில், இந்த வைரஸால் பாதிக்கப்பட்டுள்ளோரின் எண்ணிக்கை, நாளுக்கு நாள் அதிகரித்தப்படி இருக்கிறது.

இந்நிலையில், பாகிஸ்தான்., சுகாதாரத்துறை அமைச்சு நேற்று வெளியிட்ட அறிக்கையில் கூறப்பட்டு உள்ளதாவது:

கடந்த, 24 மணி நேரத்தில், கொரோனா வைரஸால் புதிதாக, 161 பேர் பாதிக்கப்பட்டுள்ளனர்; 3 பேர் உயிரிழந்தனர். இதன் மூலம், இந்த வைரஸால் பாதிக்கப்பட்டுள்ளோரின் எண்ணிக்கை, 4,196 ஆக அதிகரித்துள்ளது. உயிரிழந்தோரின் எண்ணிக்கை, 60 ஆக உயர்ந்துள்ளது.

467 பேர் சிகிச்சைக்குப் பின் குணமடைந்து, வீடு திரும்பிஉள்ளனர். வைரஸ் பரவலை கட்டுக்குள் கொண்டு வர தேவையான பாதுகாப்பு நடவடிக்கைகளை, பிரதமர், இம்ரான் கான் தலைமையிலான அரசு எடுத்து வருகிறது.அரசு வழங்கும் வழிகாட்டுதல்களை மக்கள் பின்பற்ற வேண்டும் என, கேட்டுக் கொள்ளப்பட்டு உள்ளது. இவ்வாறு அதில் கூறப்பட்டுள்ளது.