அதிகரிக்கும் கொரோனா பலி ;
பிரிட்டனில் ஒரே இடத்தில்
முஸ்லிம்களின் உடல்கள் அடக்கம்
பிரிட்டனில் கொரோனா தொற்று அதிகரித்து வருவதால் தொடர்ந்து பலி எண்ணிக்கை அதிகரித்து வருகிறது. இதனால் லண்டனில் ஒரே இடத்தில் புதை குழிகள் தோண்டி முஸ்லிம்களின் உடல்கள் அடக்கம் செய்யப்படுகின்றன.
கொரோனா வைரசின் தாக்கம் உலகின் பல நாடுகளையும் அச்சுறுத்தி வருகிறது. ஐரோப்பிய நாடுகளில் கொரோனா கோர தாண்டவம் ஆடி ஆயிரக் கணக்கான உயிர்களை பலி வாங்கியது. லண்டனின் தென்கிழக்கு பகுதியில் இஸ்லாமிய சமூகத்தை சேர்ந்த இறந்தவர்களின் உடல்களை அடக்கம் செய்வதற்கு பெரிய அளவிலான குழிகள் தோண்டப்பட்டுள்ளன. சிசில்ஹர்ஸ்ட் பகுதியில் உள்ள கெம்னல் பூங்கா கல்லறையில் பெரிய புதை குழிகள் தோண்டப்பட்டு உடல்கள் வரிசையாக அடக்கப்படுவதாக தெரிவிக்கப்பட்டுள்ளது.
தொடர்ந்து, பலி அதிகரிப்பதால் இறந்தவர்களின் உடல்களை அடக்கம் செய்வதற்கு இன்னும் 50 க்கும் மேற்பட்டவை காத்திருப்பதாக கூறப்படுகிறது. இறந்தவர்களின் உடல்களை வைக்க தற்காலிக பிணவறைகளும் அமைக்கப்பட்டுள்ளது. கொரோனா அச்சுறுத்தலால் இறந்தவர்களின் உறவினர்கள் கூட இறுதி சடங்குகளில் பங்கேற்ற முடிவதில்லை. இந்த சேவையில் சில ராணுவ வீரர்களும் பயன்படுத்தப்பட்டுள்ளனர்.
0 comments:
Post a Comment