ஒரு லட்சத்து 76 ஆயிரத்தை கடந்த பலி எண்ணிக்கை

ஒரு லட்சத்து 76 ஆயிரத்தை கடந்த

பலி எண்ணிக்கை

உலகம் முழுவதும் கொரோனா வைரஸ் தாக்குதலுக்கு பலியானோர் எண்ணிக்கை ஒரு லட்சத்து 76 ஆயிரத்தை கடந்தது.

சீனாவில் ஹூபேய் மாகாணம் வுகான் நகரில் கடந்த ஆண்டு டிசம்பர் மாதம் கண்டுபிடிக்கப்பட்ட கொரோனா வைரஸ் தற்போது உலகின் 210 நாடுகளுக்கு பரவி பெரும் மனித இழப்பை ஏற்படுத்தி வருகிறது.

கொரோனாவின் தாக்கம் நாளுக்கு நாள் அதிகரித்து வரும் நிலையில் இந்த கொடிய வைரசுக்கு தடுப்பு மருந்து கண்டுபிடிக்க விஞ்ஞானிகள் தீவிர முயற்சி மேற்கொண்டு வருகின்றனர்.

இந்நிலையில், உலகம் முழுவதும் கொரோனா தாக்குதலுக்கு பலியானோர் எண்ணிக்கை ஒரு லட்சத்து 76 ஆயிரத்தை கடந்துள்ளது.

தற்போதைய நிலவரப்படி, 25 லட்சத்து 56ஆயிரத்து 421 பேருக்கு வைரஸ் தொற்று உறுதி செய்யப்பட்டுள்ளது.

கொரோனா சிகிச்சை பெறுபவர்

வைரஸ் பரவியவர்களில் 16 லட்சத்து 80 ஆயிரத்து 411 பேர் சிகிச்சை பெற்று வருகின்றனர். சிகிச்சை பெறுபவர்களில் 57 ஆயிரத்து 254 பேரின் நிலைமை மிகவும் கவலைக்கிடமாக உள்ளது.

மேலும், வைரஸ் பரவியவர்களில் 6 லட்சத்து 87 ஆயிரத்து 34 பேர் சிகிச்சைக்கு பின் குணமடைந்து டிஸ்சார்ஜ் செய்யப்பட்டுள்ளனர். ஆனாலும், இந்த கொடிய வைரஸ் தாக்குதலுக்கு இதுவரை ஒரு லட்சத்து 76 ஆயிரத்து 688 பேர் பலியாகியுள்ளனர்.

கொரோனாவுக்கு அதிக உயிரிழப்புகளை சந்தித்துள்ள நாடுகளின் விவரங்கள்:-

அமெரிக்கா - 44,844

ஸ்பெயின் - 21,282

இத்தாலி - 24,648

பிரான்ஸ் - 20,796

ஜெர்மனி - 5.024

இங்கிலாந்து - 17,337

துருக்கி - 2,259

ஈரான் - 5,297

சீனா - 4,632

பெல்ஜியம் - 5,998

பிரேசில் - 2,588