காத்தான்குடியில் கடலில் குளித்துக்கொண்டிருந்த 15 வயது சிறுவனை காணவில்லை!

காத்தான்குடியில் கடலில் குளித்துக்கொண்டிருந்த

15 வயது சிறுவனை காணவில்லை!

காத்தான்குடி  நதீயா  கடற்கரை பகுதியில் குளித்துக்கொண்டிருந்த 15 வயதான முஹம்மது சம்சாத் என்ற சிறுவன், கடலலையில் அடித்துச்செல்லப்பட்டுள்ளார் என அறிவிக்கப்படுகின்றது.

இன்று சனிக்கிழமை நண்பகல் கடற்கரையில் 8 சிறுவர்கள் குளித்துக்கொண்டிருந்துள்ளனர். இதன்போதே, குறித்த சிறுவன் கடலில் அடித்துச்செல்லப்பட்டுள்ளான் எனத் தெரிவிக்கப்படுகின்றது.

பொலிஸாரும் பொதுமக்களும் அச்சிறுவனை  தேடும் நடவடிக்கைகளை தொடர்ந்து முன்னெடுத்துவருகின்றனர் என அங்கிருந்து வரும் தகவல்கள் தெரிவிக்கின்றன -