மறைந்த மூத்த பத்திரிகையாளர் சோ ராமசாமி உடலுக்கு பிரபலங்கள் நேரில் அஞ்சலி (படங்கள்)

மறைந்த மூத்த பத்திரிகையாளர் சோ ராமசாமி உடலுக்கு

பிரபலங்கள் நேரில் அஞ்சலி

(படங்கள்)

மறைந்த மூத்த பத்திரிகையாளர் சோ ராமசாமி உடலுக்கு அரசியல் தலைவர்கள், நடிகர்கள் மற்றும் பிரபலங்கள் அஞ்சலி செலுத்தி வருகின்றனர்.

உடல்நலக்குறைவால் அப்போலோ மருத்துவமனையில் அனுமதிக்கப்பட்டிருந்த மூத்த பத்திரிகையாளர் சோ ராமசாமி இன்று அதிகாலை உயிரிழந்தார். அவரது உடல் பொதுமக்கள் அஞ்சலிக்காக எம்.ஆர்.சி நகரில் உள்ள அவரது இல்லத்தில் வைக்கப்பட்டுள்ளது. திரைத்துறை பிரபலங்கள், அரசியல் தலைவர்கள், பத்திரிகையாளர்கள், பொதுமக்கள் உள்ளிட்ட ஏராளமானவர்கள் தொடர்ந்து அஞ்சலி செலுத்தி வருகின்றனர்.

எதிர்க்கட்சித் தலைவர் மு.க.ஸ்டாலின் கூறுகையில், பத்திரிகை உலகில் மிகப்பெரிய ஜாம்பவனாக விளங்கியவர் சோ ராமசாமி என்று கூறியுள்ளார்.

திமுக எம்பி கனிமொழி கூறுகையில், சோ ராமசாமியின் இறப்பு வருத்தம் அளிக்கிறது என்று கூறியுள்ளார்.

நடிகர் சிவகுமார் கூறுகையில், அகில இந்திய அளவில் அரசியல் தலைவர்களின் நன்மதிப்பை பெற்றவர். அரசியலில் எந்த பதவியையும் வகிக்காமல் நன்மதிப்பை பெற்றவர். தனக்கு சரி என்று தோன்றினால் அதை துணிச்சலோடு சொல்லக் கூடியவர் சோ" என்று புகழாரம் சூட்டியுள்ளார்.