உச்சநீதிமன்ற வாசற்படியில் கால் தடுக்கி, நிலைதடுமாறி கீழே விழப்போன மஹிந்த

உச்சநீதிமன்ற வாசற்படியில் கால் தடுக்கி,

நிலைதடுமாறி கீழே விழப்போன மஹிந்த

முன்னாள் ஜனாதிபதி மஹிந்த ராஜபக்ஸ உச்சநீதிமன்ற வாசற்படியில், தடுக்கிய விழப்போன நிலையில், அருகில் இருந்து உதவியாளர்கள் தாங்கிப் பிடித்ததால், காயங்களின்றித் தப்பினார். இந்தச் சம்பவம் நேற்றுமுன்தினம் காலை உச்சநீதிமன்றத்தில் இடம்பெற்றது.

உச்சநீதிமன்றத்தில் புதிய சட்டவாளர்களுக்கான உறுதிமொழியேற்பு நிகழ்வு கடந்த வெள்ளிக்கிழமை இடம்பெற்றது.

இதில், மஹிந்த ராஜபக்ஸவின், பெறாமகளும் சட்டவாளராக உறுதிமொழியேற்றுக் கொண்டார்.

இந்த நிகழ்வில், ராஜபக்ஸ குடும்பத்தைச் சேர்ந்த, மஹிந்த ராஜபக்ஸச, சமல் ராஜபக்ஸ, பசில் ராஜபக்ஸ, கோத்தாபய ராஜபக்ஸ உள்ளிட்டோர் குடும்பத்துடன் பங்கேற்றிருந்தனர்.

இதன்போது உச்சநீதிமன்ற வாசற்படியில் கால்வைத்து ஏறிய போது மஹிந்த ராஜபக்ஸ, கால் தடுக்கி, நிலைதடுமாறி கீழே விழப்போனார்.

அப்போது அருகில் இருந்த அவரது உதவியாளர்கள் தாங்கிப் பிடித்துக் கொண்டதால் நிலத்தில் அடிபடாமல் காப்பாற்றப்பட்டார் எனத் தெரிவிக்கப்படுகின்றது.