மர்ஹும் எம்.எம்.எம்.ஜலீல் ஆசிரியருக்காக கல்முனை ஸாஹிறா தேசியக் கல்லூரியில் (துஆப்) பிரார்த்தனை

மர்ஹும் எம்.எம்.எம்.ஜலீல் ஆசிரியருக்காக

கல்முனை ஸாஹிறா தேசியக் கல்லூரியில் (துஆப்) பிரார்த்தனை

கல்முனை ஸாஹிறா தேசியக்கல்லூரியில் கடந்த இரண்டு தசாப்தங்களாக கல்விப் பணி புரிந்த சிரேஸ்ட ஆசிரியர் மர்ஹும் எம்.எம்.எம்.ஜலீல் அண்மையில் இறையடி சேர்ந்தமைக்காக அன்னாருக்காக கல்லூரி அதிபர் , பிரதி அதிபர்கள் , உதவி அதிபர்கள் , பகுதித்தலைவர்கள் , ஆசிரியர்கள் , மாணவர்கள், கல்விசாரா ஊழியர்கள் அனைவரும் இன்று 2014.09.01 ஆம் திகதி திங்கள்கிழமை  விசேட காலைக்கூட்டத்தின் போது துஆப் பிரார்த்தனையில் ஈடுபட்டனர்.

கல்முனை ஸாஹிறா தேசியக் கல்லூரியில்  விஞ்ஞான ஆசிரியராக இணைந்து கொண்ட இவர் சிறந்த ஆசானாக , பகுதித் தலைவராக , ஒழுக்காற்று சபை தலைவராக , பாடசாலை அபிவிருத்திச் சங்க பொருளாளராக  , ஹட்டன் நஷனல் வங்கி பாடசாலைக் கிளை பொறுப்பாளராக , இணைப்பாடவிதான பொறுப்பாசிரியராக , விஞ்ஞான கழக தலைவராக , உதவி அதிபராக என்று கல்லூரி வாழ்ககையில் பல பதவிகளை வகித்தததுடன் அவற்றை மிகவும் திறமையாக வழி நடத்தியிருந்தார்.

1957 ஆம் ஆண்டு பிறந்த இவர் சென்ற மாதம் ( ஆகஸ்ட்) 26 ஆம் திகதி செவ்வாய்க்கிழமை இவ்வுலகை விட்டு பிரிந்தார்.

யா அல்லாஹ் அன்னாரின் பிழைகளைப் பொறுத்து ஜன்னத்துல் பிர்தௌஸ் 

எனும் சொர்க்கம் கிடைக்க எல்லாம் வல்ல இறைவனை பிராத்திப்போமாக.