மலைநாட்டில் ஒருதொகை துப்பாக்கிகள் மீட்பு!

மலைநாட்டில் ஒருதொகை துப்பாக்கிகள் மீட்பு!

மாத்தளை மாவட்ட அரசாங்க அதிபர் அலுவலக சூழலில் கட்டடம் ஒன்றை கட்டுவதற்காக நிலத்தை தோண்டிய போது அங்கிருந்து பழைய துப்பாக்கிகளை தொழிலாளர்கள் மீட்டுள்ளனர்.

இன்று பிற்பகல் குறித்த இடத்தில் கச்சேரி ஒன்றை அமைப்பதற்காக அத்திவாரம் இடுவதற்கு  நிலம் தோண்டப்பட்டுள்ளது. இதன்போதே குறித்த துப்பாக்கிகள் கண்டெடுக்கப்பட்டுள்ளன.

பழைய ஒற்றை குழல் துப்பாக்கி உட்பட 130 துப்பாக்கிகள் மீட்கப்பட்டுள்ளதாக பொலிஸார் தெரிவித்துள்ளனர்.

மிகவும் துருப்பிடித்த நிலையில் காணப்படும் இந்த துப்பாக்கிகளில் சில பகுதிகள் மாத்திரமே காணப்படுவதாகவும் பொலிஸார் கூறியுள்ளனர்.