ஓட்டமாவடி தேசிய பாடசாலை மாணவி பாத்திமா அரூஸாவுக்கு கிழக்கு மாகாண முதலமைச்சர் வீடு சென்று வாழ்த்து

ஓட்டமாவடி தேசிய பாடசாலை மாணவி பாத்திமா அரூஸாவுக்கு

கிழக்கு மாகாண முதலமைச்சர் வீடு சென்று வாழ்த்து

நேற்று வெளியான க.பொ.த. உயர் தர பரீட்சை பெறுபேறுக்கு அமைவாக ஓட்டமாவடி தேசிய பாடசாலை மாணவி பாத்திமா அரூஸா உயிரியல் தொழில் நுட்பப்பிரிவில் மூன்று A சித்திகளுடன் சத்தியெய்தி மாவட்டத்தில் முதலாமிடத்தினையும் அகில இலங்கை ரீதியாக மூன்றாமிடத்தினையும் பெற்றுள்ளார்.

இந்த பாடசாலை நூற்றாண்டினைக் கொண்டாடவிருக்கும் நிலையில்  மாணவி பாத்திமா அரூஸா இதன் மூலம் பாடசாலைக்கு நற்பெயரினைத் தேடிக்கொடுத்துள்ளார் என்று பிரதேச மக்கள் பாராட்டியுள்ளனர்.

கிழக்கு மாகாண முதலமைச்சர் ஹாபிஸ் நசீர் அஹமட். மாணவியின் வீட்டுக்குச் சென்று அவருக்கும் மாணவியின் பெற்றோருக்கும் வாழ்த்துக்களை கூறியுள்ளமை குறிப்பிடத்தக்கது.