மாலத்தீவு முன்னாள் ஜனாதிபதி மம்மூன் அப்துல் கயூமுக்கு 19 மாதம் சிறை தண்டனை

மாலத்தீவு முன்னாள் ஜனாதிபதி

மம்மூன் அப்துல் கயூமுக்கு

19 மாதம் சிறை தண்டனை

விசாரணை அதிகாரிகளிடம் தனது செல்போனை ஒப்படைக்க மறுத்த குற்றத்துக்காக மாலத்தீவு முன்னாள் ஜனாதிபதி மம்மூன் அப்துல் கயூமுக்கு 19 மாதம் சிறை தண்டனை விதித்து மாலத்தீவு நீதிமன்றம் நேற்று தீர்ப்பு அளித்தது.

மாலத்தீவு முன்னாள் ஜனாதிபதி மம்மூன் அப்துல் கயூம். 80 வயதான இவர், 1978-ம் ஆண்டு முதல் 2008-ம் ஆண்டு வரை சர்வாதிகாரியாக இருந்தார். தன்னுடைய சகோதரரும், தற்போதைய ஜனாதிபதியுமான யாமீன் அப்துல் கயூமின் ஆட்சியை கவிழ்க்க சதி செய்ததாக, கடந்த பெப்ரவரி மாதம் கயூம் கைது செய்யப்பட்டார். இந்நிலையில், விசாரணை அதிகாரிகளிடம் தனது செல்போனை ஒப்படைக்க மறுத்த குற்றத்துக்காக மம்மூன் அப்துல் கயூமுக்கு 19 மாதம் சிறை தண்டனை விதித்து, மாலத்தீவு நீதிமன்றம் நேற்று தீர்ப்பு அளித்தது.

அவருடன் கைது செய்யப்பட்ட தலைமை நீதிபதி அப்துல்லா சயீதுக்கும் அதே குற்றத்துக்காக 19 மாத சிறை  தண்டனை விதிக்கப்பட்டது.