அமெரிக்கா நடத்திய ஆளில்லா விமானத் தாக்குதல்: பாகிஸ்தானில் தீவிரவாதி முல்லா அக்தர் மன்சூர் பலி

அமெரிக்கா நடத்திய ஆளில்லா விமானத் தாக்குதல்:

பாகிஸ்தானில் தீவிரவாதி முல்லா அக்தர் மன்சூர் பலி

                                                                   

அமெரிக்கா நடத்திய ஆளில்லா விமானத் தாக்குதலில் தலிபான் தீவிரவாத இயக்கத்தின் தலைவர் மன்சூர் கொல்லப்பட்டார்.

பாகிஸ்தானில் தலிபான் மற்றும் அல்-காய்தா தீவிரவாத அமைப்பினர் அதிகம் வசிக்கக் கூடிய பகுதிகளில் அமெரிக்கா ஆளில்லா விமானத் தாக்குதலில் ஈடுபட்டு வருகிறது.

இதில் பலுசிஸ்தான் மாகாணத்திற்கு உட்பட்ட அகமது வால் நகரத்தில் தலிபான் தலைவன் மன்சூர் மற்றும் அவனது கூட்டாளி ஒரு காரில் சென்று கொண்டிருந்தபோது

அமெரிக்கா ஆளில்லா விமானத் தாக்குதலில் தலிபான் தீவிரவாத அமைப்பின் தலைவர் முல்லா அக்தர் மன்சூர் மற்றும் அவனது கூட்டாளியும் கொல்லப்பட்டுள்ளதாக பரபரப்பு தகவல் வெளியாகியுள்ளது. இதனை ஆப்கானிஸ்தானின் உளவு ஏஜென்ஸியும் உறுதிப்படுத்தியுள்ளது.

மியான்மரில் சுற்றுப்பயணம் மேற்கொண்டுள்ள அமெரிக்க வெளியுறவுத்துறை அமைச்சர் ஜான் கெர்ரியும் இதை உறுதிப்படுத்தியுள்ளார்.