சிறுவர் தினத்தை காத்தான்குடியில் சிறப்பித்த இம்போட்மிரர் குழுமத்தினர்

சிறுவர் தினத்தை காத்தான்குடியில் சிறப்பித்த

இம்போட்மிரர் குழுமத்தினர்

சர்வதேச சிறுவர் தினத்தை முன்னிட்டு இம்போட் மிரர் ஊடக வலையமைப்புக் குழுமத்தினர் ஏற்பாடு செய்த சிறுவர் தின நிகழ்வு காத்தான்குடி சிறுவர் அபிவிருத்தி நிலையத்தில்  ஒரு முழுநாள் நிகவாக நிறுவனத்தின் நிறைவேற்றுப் பணிப்பாளர் எஸ்.எல்.முனாஸ் தலைமையில் வெகு சிறப்பாக இடம்பெற்றன.

சிறுவர்களுக்கான விளையாட்டு, பொது அறிவுப்போட்டிகள், பாடல் நிகழ்வுகளுடன், பணப்பரிசில்கள்ளும் மாணவர்களுக்கு வழங்கப்பட்டதுடன் முஸ்தபா ஆசிரியரின் வில்லுப்பாட்டு மற்றும் இம்போட்மிரரின் உறுப்பினரும் வசந்தம் டீவியின் வாங்க பழகலாம் புகழ் நஜாதின் "மிமிக்கிரி "என்பவற்றுடன் அதிதிகளான  இராஜாங்க அமைச்சர் எம்.எல்.ஏ.எம். ஹிஸ்புல்லாஹ்,  பாராளுமன்ற உறுப்பினர்  அலிஷாஹிர் மௌலானா,  மாகாண சபை உறுப்பினர் சிப்லி பாறூக் ஆகியோரின் உரையுடன், ஊடகவியளாலர் எம்.எஸ். நூர்தீன், விடுதி முகாமையாளர் கலீல் ஹாஜி  ஏறாவூர் திடீர் மரண விசாரணை அதிகாரி நசீர் ஹாஜி ஆகியோரின் உரைகளும் இடம்பெற்றன.

சிறுவர் இல்லத்தில் தங்கியிருக்கும் 53 மாணவர்களுக்கும் பாடசாலைப் பை வழங்கப்பட்டதுடன் சிறுவர் இல்லத்துக்குத் தேவையான மினழுத்தி உபகரணமும் பணிப்பாளர்  எம்.ஐ.அமீர்,நிருவாக குழுமத்தினர்களான  எஸ்.எம்.சியாம், றிஷ்லி சம்ஷாட், சப்னி அஹமட், ஏ.ஆர்.எம்.நெளஷாத், ஜெ அஷாஹிம் , எம்.ஐ.சியாத். றிஸ்வான், அமீர் மெளலவி, ஹமீட், நஜாத், ஆகிப், நாஸிறூன், இஜாஸ், முஆத், நெளாஷாத், இமாத்,  ஆகியோரால் வழங்கிவைக்கப்பட்டன.

இந்நிகழ்வின் முழு நேரமாக குறிப்பிட்ட இல்லத்தில் வசிக்கும் சிறுவர்களுடன் இம்போட்மிரர் நிருவாகக் குழு உறுப்பினர்கள் அனைவரும் சந்தோஷத்துடன் கலந்து கொண்டாடியமை குறிப்பிடத்தக்கது.