இலங்கையை நோக்கி வெளிநாட்டுப் போர்க்கப்பல்கள்

இலங்கையை நோக்கி வெளிநாட்டுப் போர்க்கப்பல்கள்

இந்தோனேசியா, தென்கொரியா, பங்களாதேஸ், இந்தியா, சீனா, பாகிஸ்தான் ஆகிய நாடுகளின் 9 போர்க்கப்பல்கள், அடுத்த மாதம் 10 ம்                    திகதிக்கு இடையில், இலங்கைக்கு வரவுள்ளதாகத் தெரியவருகின்றது.

கடந்த 19ஆம் திகதி கொழும்பு துறைமுகத்தை வந்தடைந்த இந்தோனேசிய போர்க்கப்பல் நேற்று புறப்பட்டுச் சென்ற நிலையில், பங்களாதேஷ் போர்க்கப்பல் ஒன்று நேற்று கொழும்பு வந்தடைந்துள்ளது.

எதிர்வரும் 26 ஆம் திகதி இரண்டு தென்கொரியப் போர்க்கப்பல்கள் இலங்கை வரவுள்ளன.

அதேவேளை, நவம்பர் 2 ஆம் திகதி இரண்டு இந்தியப் போர்க்கப்பல்களும், நவம்பர் 4 ஆம் திகதி இந்தோனேசியப் போர்க்கப்பல் ஒன்றும் இலங்கைக்கு வரவுள்ளன.

நவம்பர் 7ஆம் திகதி பாகிஸ்தான் போர்க்கப்பல் ஒன்றும், நவம்பர் 10ஆம் திகதி சீனப் போர்க்கப்பல் ஒன்றும் இலங்கைக்குப் பயணம் மேற்கொள்ளவுள்ளன.

 குறுகிய கால இடைவெளிக்குள் அதிகளவு வெளிநாட்டுப் போர்க்கப்பல்கள் இலங்கைக்குப் பயணம் மேற்கொள்வது குறிப்பிடத்தக்கது.