பூர்த்தியடைந்துள்ள வாக்காளர் இடாப்பு பணிகள்உங்கள் பெயர் உள்ளதா? www.elections.gov.lk என்ற இணையத்தளத்தில் பார்வையிடலாம்.

பூர்த்தியடைந்துள்ள வாக்காளர் இடாப்பு பணிகள்
உங்கள் பெயர் உள்ளதா?

www.elections.gov.lk என்ற இணையத்தளத்தில் பார்வையிடலாம்.

2017ம் ஆண்டின் வாக்காளர் இடாப்பின் வரைபு நகல் தற்போது தயாரிக்கப்பட்டு முடிவடைந்துள்ளதாக தேர்தல் ஆணைக்குழு தெரிவித்துள்ளது.

இவ்வரைபு நகலை தேர்தல் ஆணைக்குழுவின் www.elections.gov.lk என்ற இணையத்தளத்தில் பார்வையிடலாம்.

2016ம் ஆண்டின் வாக்காளர் இடாப்பு, புதிதாக உட்சேர்க்கப்பட பரிந்துரை செய்யப்பட்டுள்ள பெயர்கள், நீக்கப்பட்டுள்ள பெயர்கள் என்பவற்றை கிராம அலுவலர் அலுவலகங்களில் பரிசீலிக்க முடியும் என்று அரசாங்க தகவல் `திணைக்களம் வெளியிட்டுள்ள ஊடக அறிக்கையில் குறிப்பிடப்பட்டுள்ளது.

மேலும் அந்த அறிக்கையில் குறிப்பிடப்பட்டுள்ளதாவது,

கொழும்பு நகரம், கொழும்பு மாவட்டம் உள்ளிட்ட நகர மற்றும் நகர்சார் பிரதேசங்களில் வாக்காளர் இடாப்பில் உட்சேர்த்துக் கொள்வதில் கணிசமானளவு வீழ்ச்சி ஏற்பட்டுள்ளதாக அவதானிக்கப்பட்டுள்ளதால், 2017ம் ஆண்டின் வாக்காளர் இடாப்பில் தமது பெயர் உட்சேர்க்கப்பட்டுள்ளதை உறுதி செய்து கொள்ளுமாறும், எதிர்வரும் தேர்தல்களின் போது 2017ம் ஆண்டின் வாக்காளர் இடாப்பில் பெயர் காணப்படுகின்றவர்களுக்கு மாத்திரமே வாக்களிக்க முடியும் எனவும் தேர்தல் ஆணைக்குழு தெரிவித்துள்ளது.

சிலவேளைகளில் தமது பெயர் 2017 வாக்காளர் இடாப்பில் இடம்பெறவில்லையாயின் சம்பந்தப்பட்ட தேர்தல் அலுவலகத்திற்கு உடனடியாக அறிவிக்குமாறு தேர்தல்கள் ஆணைக்குழு 18 வயதிற்கு மேற்பட்ட பிரஜைகளிடம் கேட்டுக்கொண்டுள்ளது.