கோழி முட்டை பச்சை நிறமாக மாறியுள்ள புதுமை! நாத்தாண்டிய பிரதேசத்தில் சம்பவம்

கோழி முட்டை பச்சை நிறமாக  மாறியுள்ள புதுமை!

நாத்தாண்டிய பிரதேசத்தில் சம்பவம்

நாத்தாண்டிய - மரந்த பிரதேசத்தில் உள்ள வீடொன்றில் வளர்க்கப்பட்ட கோழியொன்று பச்சை நிறமான 4 முட்டைகளை இட்டுள்ளதாக தெரிவிக்கப்பட்டுள்ளது.

கோழிப் பண்ணையில் உள்ள கோழிகளில் ஒரேயொரு கோழி மாத்திரம் இவ்வாறான அபூர்வமான முட்டைகளை இட்டுள்ளதாக அதன் உரிமையாளர் எச்.பி.சச்சின் என்பவர் தெரிவித்துள்ளார்.

இதற்கு முன்னர் தமது கோழிகள் இவ்வாறு மாறுபட்ட நிறங்களில் முட்டைகளை இட்டதில்லை எனவும் அவர் குறிப்பிட்டுள்ளார்.

இந்த அபூர்வமான முட்டைகளை பொதுமக்கள் பார்வையிட்டுச் செல்கின்றனர் எனவும் தெரிவிக்கப்படுகின்றது.