பாகிஸ்தானை 150 ஓட்டங்கள் வித்தியாசத்தில் வீழ்த்தியது மேற்கிந்திய அணி

பாகிஸ்தானை 150 ஓட்டங்கள் வித்தியாசத்தில்

வீழ்த்தியது மேற்கிந்திய அணி

உலகக் கிண்ணக் கிரிக்கெட் தொடரில், பாகிஸ்தான், மேற்கிந்தியத் தீவுகள் அணிகள் கிறைஸ்ட்சர்ச்சில் இன்று மோதின. இதில் பாகிஸ்தானை 150 ஓட்டங்கள் வித்தியாசத்தில் மேற்கிந்திய அணி வீழ்த்தியது.

இன்றைய லீக் ஆட்டத்தில் முதலில் களமிறங்கி விளையாடிய மேற்கிந்திய அணிகள் 50 ஓவர்களில் 6 விக்கெட் இழப்புக்கு 310 ஓட்டங்களை எடுத்தது.

311 ஓட்டங்கள் எடுத்தால் வெற்றி என்ற நிலையில் அடுத்து களமிறங்கிய பாகிஸ்தானை, மேற்கிந்திய அணி வீரர்கள் 39 ஓவர்களில் 160 ஓட்டங்களுக்கு சுருட்டினர். இதனால், மேற்கிந்திய அணி 150 ஓட்டங்கள் வித்தியாசத்தில் வெற்றி பெற்றது.

வெற்றி பெற்றே தீ வேண்டும் என்ற நெருக்கடியான நிலையல், "பி' பிரிவில் இடம்பெற்றுள்ள இந்த இரு அணிகளும் இன்று மோதின. இதில் மேற்கிந்திய அணி வெற்றி பெற்று அடுத்த சுற்றுக்கு தகுதி பெற்றுள்ளது.

இவ்விரு அணிகளுமே தங்களது தொடக்க ஆட்டத்தில் தோல்வியைத் தழுவின. பரம எதிரியான இந்தியாவிடம் 76 ஓட்டங்கள் வித்தியாசத்தில் பாகிஸ்தான் தோற்றிருந்தது. மறுபுறம், கத்துக்குட்டி அணியான அயர்லாந்திடம் அனுபவம் வாய்ந்த மேற்கிந்தியத் தீவுகள் அணி 4 விக்கெட் வித்தியாசத்தில் வெற்றியைப் பறிகொடுத்திருந்தது.

இந்நிலையில் இன்று இரு அணிகளும் வெற்றிபெற வேண்டிய நிர்பந்தத்துடன் களம் இறங்கின. மேற்கிந்திய அணி வீரர்கள் பொறுப்புடன் விளையாடினர்.