105 ஓட்டங்கள் வித்தியாசத்தில் வங்கதேச அணி வெற்றி

உலகக் கிண்ணக் கிரிக்கெட் -2015

உலகக் கிண்ணக் கிரிக்கெட் தொடரின் லீக் ஆட்டத்தில், ஆப்கானிஸ்தான்-வங்கதேச அணிகள் இன்று மோதின.

இதில் நாணயச் சுழற்சியில் வென்ற வங்கதேச அணி 'துடுப்பாட்டத்தை தேர்வு செய்து ஆட்டத்தை தொடங்கியது . "ஏ' பிரிவில் இடம்பெற்றுள்ள இரு அணிகளும் மோதும் இந்த ஆட்டம், ஆஸ்திரேலியாவின் கான்பெரா மைதானத்தில் நடந்தது.

வங்காளதேசம் அணியின் தொடக்க ஆட்டக்காரர்கள், அனமுல் ஹக் 29 ஓட்டங்களிலும், தமீம் இக்பால் 19 ஓட்டங்களிலும், சவும்யா சர்கார் 28 ஓட்டங்களிலும், மக்முதுல்லா 23 ஓட்டங்களிலும் ஆட்டம் இழந்தார்கள்.

வங்காள தேசம் அணி 50 ஓவரில் 9 விக்கெட்களை இழந்து 267 ஓட்டங்கள் எடுத்தது. இதையடுத்து ஆப்கானிஸ்தான் அணிக்கு வெற்றி இலக்கு 268 ஓட்டங்களாக நிர்ணயிக்கப்பட்டது.

இதையடுத்து களம் இறங்கிய ஆப்கானிஸ்தான் அணி ஆரம்பம் முதலே திணறியது. 42.5 ஓவர்களில் அனைத்து விக்கெட்டுகளையும் இழந்த ஆப்கானிஸ்தான் அணி 162 ஓட்டங்கள் எடுத்தது. இதன்முலம் 105 ஓட்டங்கள் வித்தியாசத்தில் வங்காளதேச அணி வெற்றி பெற்றது.