சச்சின் டெண்டுல்கருடன் டின்னர் சாப்பிட (இந்திய மதிப்பில்) ரூ.1 லட்சத்து 47 ஆயிரம் கட்டணம் நிர்ணயம்

ஆஸ்திரேலியாவில் உள்ள நட்சத்திர ஹோட்டல் ஒன்றில்

சச்சின் டெண்டுல்கருடன் டின்னர் சாப்பிட (இந்திய மதிப்பில்)

ரூ.1 லட்சத்து 47 ஆயிரம் கட்டணம் நிர்ணயம்

சச்சின் டெண்டுல்கருடன், ஆஸ்திரேலியாவில் உள்ள ஹோட்டல் ஒன்றில் டின்னர் சாப்பிட இந்திய மதிப்பில் ரூ.1 லட்சத்து 47 ஆயிரம் கட்டணம் நிர்ணயிக்கப்பட்டுள்ளது.

உலகக் கிண்ணப் போட்டிகள் நியூசிலாந்து மற்றும் ஆஸ்திரேலியாவில் நடைபெற்று வருகிறது. இந்திய அணி முதல் போட்டியில் பாகிஸ்தானை வென்றுள்ளது. எதிர்வரும் 22 ஆம் திகதி தென்ஆப்பிரிக்க அணியை எதிர்கொள்ள உள்ளது.

இந்நிலையில் ஆஸ்திரேலியாவில் உள்ள நட்சத்திர ஹோட்டல் ஒன்று கிரிக்கெட் கடவுள் என ரசிகர்களால் போற்றப்படும் சச்சினுடன் டின்னர் சாப்பிடும் திட்டம் ஒன்றை அறிவித்துள்ளது.

எதிர்வரும் 26 ஆம் திகதி  நடைபெறும் இந்த டின்னரில் சச்சின் டெண்டுல்கர் மட்டுமின்றி மேலும் சில விஐபி-களும் கலந்து கொள்ள உள்ளனர். 60 பேர் மட்டுமே கலந்துகொள்ளும் வகையில் ஏற்பாடு செய்யப்பட்டுள்ள இந்த விஐபி டின்னரில் பங்கேற்க இந்திய மதிப்பில் ரூ. 73,500 முதல் ரூ. 1 லட்சத்து 47 ஆயிரம் வரை  கட்டணம் நிர்ணயிக்கப்பட்டுள்ளது.