பர்மாவில் ஆயிரக்கணக்கில் கொன்றுகுவிக்கப்படும்முஸ்லிம்கள் (படங்கள் இணைப்பு)

பர்மாவில் ஆயிரக்கணக்கில்

கொன்று குவிக்கப்படும்முஸ்லிம்கள்

(படங்கள் இணைப்பு)

பர்மாவில் வாழும் முஸ்லிம்களை முற்றிலுமாக ஒழித்து விட்டு புத்த மதத்தை சேர்ந்தவர்கள் மட்டுமே வாழ வேண்டும் என்று அரசின் துணையுடன் ஒவ்வொரு ஆண்டும் முஸ்லிம்கள் மீது வன்முறை வெறியாட்டம் நடத்தப்பட்டு மிகப்பெரிய இனப்படுகொலையே நடந்து வருகிறது.

கடந்த 10 நாட்களாக பர்மாவில் ஆயிரக்கணக்கான முஸ்லிம்கள் கொத்து கொத்தாக கொன்று குவிக்கப்பட்டுள்ளனர்,

பர்மாவில் வாழக்கூடிய முஸ்லிம்கள் பங்களாதேஷை சேர்ந்தவர்கள் என்றும் அவர்கள் மீண்டும் பங்களாதேஷுக்கு செல்ல வேண்டும் என்று அந்நாட்டிலுள்ள பயங்கரவாதிகளின் ஒரே முழக்கமாகும்.

நாங்கள் 5 தலைமுறைகளாக 300 ஆண்டுகளுக்கும் மேலாக பர்மாவில் தான் வாழ்வதாகவும், நாங்கள் பங்களாதேஷிலிருந்து ஊடுருவி வரவில்லை என்றும் பாதிக்கப்பட்ட மக்களின் வாக்குமூலமாகும்.

பர்மாவில் வாழக்கூடிய முஸ்லிம்களை முற்றிலும் ஒழித்துவிட்டால் 100 சதவீதமும் பெளத்தர்கள் வாழக்கூடிய நாடாக பர்மாவை ஆக்கி விடலாம் என்பது அந்நாட்டு பயங்கரவாதிகளின் கணக்காகும்.

இதனால் வன்முறை வெறியாட்டம் நடத்தப்பட்டு முஸ்லிம்கள் நரவேட்டை ஆடப்படுகிரார்கள்.

உயிருக்கு அஞ்சி நடுங்கிய 7 ஆயிரத்திற்கும் மேற்பட்ட முஸ்லிம்கள் பர்மாவிலிருந்து வெளியேறி துருக்கி, இந்தோனேசியா, மலேசியா ஆகிய நாடுகளில் தற்காலிக தஞ்சம் அடைந்துள்ளனர்.

இருப்பினும் பர்மாவில் நடத்தப்படும் நரவேட்டை முடிவுக்கு வரவில்லை, கேட்பதற்கு நாதியற்ற ஒரே சமுதாயமாக அந்நாட்டிலுள்ள முஸ்லிம் சமுதாயம் தவிக்கிறது.

யார் யார் பிரச்சினைக்கோ கொடி பிடித்து கோஷம் எழுப்பிய முஸ்லிம் சமுதாயம் மௌனம் காக்கிறது,

உலகில் 57 முஸ்லிம் நாடுகள் இருந்தும் அனைத்து நாடுகளும் வாய் மூடி மௌனிகளாய் நிற்கிறது.

ஐநா சபை சரியான தீர்வை எடுக்கும் என்று முஸ்லிம் நாடுகள் அமைதி காக்கிறது, முஸ்லிம் நாடுகள் பார்த்துக்கொள்ளும் என்று முஸ்லிம் அமைப்புகள் மௌனம் காக்கிறது.