நாட்டிலுள்ள அரச பாடசாலைகளில் கடமையாற்றும் ஆசிரியர்களின் எண்ணிக்கையும் அவர்களின் கல்வித் தகைமைகளும்

நாட்டிலுள்ள அரச பாடசாலைகளில் கடமையாற்றும்

ஆசிரியர்களின் எண்ணிக்கையும்

அவர்களின் கல்வித் தகைமைகளும்

கல்வி அமைச்சின் புள்ளி விபரம் தெரிவிப்பு

எமது இலங்கை நாட்டில் அரச பாடசாலைகளில் மொத்தமாக 2 இலட்சத்து 36 ஆயிரத்து 998 ஆசிரியர்கள் மாணவர்களின் கல்வி போதனைகளுக்காக நியமிக்கப்பட்டுள்ளதாக கல்வி அமைச்சினால் இறுதியாக வெளியிடப்பட்டிருக்கும்  புள்ளி விபரம் தெரிவிக்கின்றது.

இவர்களில் 64 ஆயிரது 462 பேர் (27%) ஆண்களாகவும் 1 இலட்சத்து 72 ஆயிரத்து 536 பேர் (73%) பெண்களாகவும் உள்ளனர்.

மொத்த ஆசிரியர்களில் 99 ஆயிரத்து 004 பேர் பட்டதாரி ஆசிரியர்களாகவும் 1 இலட்சத்து 32 ஆயிரத்து 952 பேர் பயிற்றப்பட ஆசிரியர்களாகவும் 2 ஆயிரத்து 873 பேர் பயிற்சியற்ற ஆசிரியர்களாகவும் 2 ஆயிரது 169 பேர் பயிலுநர் ஆசிரியர்களாகவும் இருந்து கொண்டிருக்கின்றனர்.

இந்த ஆசிரியர்களில் 50 பேர் Ph.D. கல்வித் தரத்திலும் 186 பேர் M.Phil கல்வித் தரத்திலும் 4725  பேர் MA/M.Sc/M.Ed கல்வித் தரங்களிலும் 107,301பேர் BA/B.Sc/B.Ed கல்வித் தரங்களிலும் 117,708 பேர் G.C.E.A/L கல்வித் தரத்திலும் 6957 பேர் G.C.E.O/L கல்வித் தரத்திலும் 71 பேர் Less than G.C.E.(O/L) கல்வித் தரத்தில் உள்ளனர்.

மாணவர்களின் கல்வி போதனைகளுக்காக நியமிக்கப்பட்டுள்ள ஆசிரியர்களில் 325 பேர் ஏனைய நடவடிக்கைகளுக்காக (Released to a Office) விடுவிக்கப்பட்டுள்ளனர்.  65 பேர் (On Study Leave) கற்பதற்கான விடுமுறையில் இருக்கின்றனர்.

மொத்த ஆசிரியர்களில் 59,223 பேர் தமிழ் மொழி மூலமும் 4,954 பேர் ஆங்கில மொழி மூலமும் 172,821 பேர் சிங்கள மொழி மூலமும் கல்வி போதனையில் ஈடுபட்டுள்ளனர்.

இந்த ஆசிரியர்களில் 04 பேர் 21 வயதிற்குள்ளும்  24,277  பேர் 21 – 30 வயதிலும் 69,186 பேர் 31- 40 வயதிலும் 73686  பேர் 41 – 50 வயதிலும்  41723  பேர் 51 – 55 வயதிலும் 26364 பேர் 56 – 60 வயதிலும் 1758 பேர் 60 வயதுக்கு மேலும் இருந்து கொண்டிருக்கின்றனர்.

இவர்களில் 7592 பேர் அதிபர்களாகவும் 2541பேர் பதில் அதிபர்களாகவும் 5120 பேர் பிரதி அதிபர்களாகவும் 1160 பேர் பதில் பிரதி அதிபர்களாகவும் 1845 பேர் உதவி அதிபர்களாகவும் 339 பேர் பதில் உதவி அதிபர்களாகவும் 19935 பேர் பகுதித் தலைவர்களாகவும் 198,466 பேர் ஆசிரியர்களாகவும் பாடசாலைகளில் கடமையாற்றுகின்றனர்.

இந்த ஆசிரியர்களில் 120 பேர் SLEAS I சேவையிலும் 64 பேர்  SLEAS II சேவையிலும் 313 பேர் SLEAS III சேவையிலும் 1858 பேர் SLPS 1 சேவையிலும் SLPS 2452 பேர் 2_I சேவையிலும் 3273 பேர் SLPS 2_II சேவையிலும் 2272 பேர் SLPS 3 சேவையிலும் 46,615 பேர்  SLTS I சேவையிலும் 39,369 பேர் SLTS 2_I சேவையிலும் 59,427 பேர் SLTS 2_II சேவையிலும் 72,629 பேர் SLTS 3_I சேவையிலும் 5979 பேர் SLTS 3_II சேவையிலும் 2627 பேர் Not absorbed to SLTS சேவையிலும் உள்ளனர்.