டுபாயிலிருந்து சட்டவிரோதமான முறையில் தங்க நகைகளை கொண்டு வர முயற்சித்த பெண் கட்டுநாயக்க விமான நிலையத்தில் கைது

டுபாயிலிருந்து சட்டவிரோதமான முறையில்

தங்க நகைகளை கொண்டு வர முயற்சித்த பெண்

கட்டுநாயக்க விமான நிலையத்தில் கைது

சட்டவிரோதமான முறையில் பல மில்லியன் ரூபாய் பெறுமதியான தங்க நகைகளை கொண்டு வர முயற்சித்த பெண் ஒருவர் கட்டுநாயக்க விமான நிலையத்தில் வைத்து அதிரடியாக கைது செய்யப்பட்டுள்ளார்.

குறித்த பெண் டுபாயிலிருந்து வந்த நிலையில், விமான நிலைய சுங்க பிரிவினரால் கைது செய்யப்பட்டுள்ளார். கைது செய்யப்பட்ட பெண்ணிடம் இருந்து ஐந்து கிலோ கிராம் தங்கம் பறிமுதல் செய்யப்பட்டுள்ளது.

கொழும்பு புறநகர் பகுதியான வெல்லம்பிட்டியை சேர்ந்த முப்பது வயதுடைய பெண் ஒருவரே இவ்வாறு கைது செய்யப்பட்டுள்ளார். பறிமுதல் செய்யப்பட்ட தங்கத்தின் பெறுமதி 30 மில்லியன் ரூபாய் என மதிப்பிடப்பட்டுள்ளது.

இந்நிலையில், குறித்த சம்பவம் தொடர்பில் விமான நிலைய சுங்க அதிகாரிகள் மேலதிக விசாரணைகளை மேற்கொண்டு வருகின்றனர்.